NEHEMIYA 11 - Bibliyeeda Ghaydit

Fuga niibiida Yerusalemu

¹ Nea fuga hees bea buuneeda abeeda goobiita Yerusalemu; ak fuga abit bea buuneeda gealoat siyagi aba jeeda gea atamanamughuush goobiida Yerusalemu was mujiineeda ghaydit, nea giika ashageashiin goobiida jeeda mujiinajeega suurja.

² Ak ghoadaw buuneeda ghawooda fuga sean mwas goobiida Yerusalemu.

³ Suh fuga hees gil bea darooraka ghayi abiita Yerusalemu, nea aba mujiinajeega Yuda gaba nih abiida gheanyi bea mujiineadaanyi: nea fuga Israeli gil, ea ashoohoodiga, ea fuga Lawi, ea fuga gadiyeeda gheeda sibata ASEETA, ea jeata fuga gadiyeeda gheeh Sulemani.

⁴ Nea Yerusalemu goobiida orjooga Yuda ea orjooga Benjamini. Ak orjooga Yuda: ea Ataya gil was orjeeda Usiya, bea orjeeda Sakariya, bea orjeeda Amariya, bea orjeeda Shefatiya, bea orjeeda Mahalaleli, bea orjooga Beresi;

⁵ ea Maaseya was orjeeda Baruki, ea orjeeda Golhose, ea orjeeda Hasaya, ea orjeeda Adaya, orjeeda Yoyaribu, ea orjeeda Sekariya, was orjeeda ng'eanyiida Shilo.

⁶ Orjooga sean bea Beresi abiida Yerusalemu ea bughalaji ang'wan ea laadam ea sis nea fuga meanyi gil.

⁷ Suh orjooga Benjamini gil: Salu was orjeeda Meshulamu, orjeeda Yoedi, orjeeda Bedaya orjeeda Golaya, orjeeda Maaseya, orjeeda Itieli, orjeeda Yeshaya.

⁸ Ak iing'ata Gabai ea Salayi buuneeda ea bughalaji shageash ea diktam ea sis.

⁹ Yoeli orjeeda Sikiri, niny siida mida madeenyaawa gil; ea Yuda orjeeda Hasenuwa abeeda siideaba iyeenya gil ambal mujiini.

¹⁰ Ama ashoohoodiga ea Yedaya gil, ea Yoyaribu, ea Yakini,

¹¹ Seraya orjeeda Hilkiya, orjeeda Meshulamu, orjeeda Sadoki orjeeda Merayoti, orjeeda Ahitubu, was siida haw bea gheeda ASEETA,

¹² ea fuga nyaawa duupchi sin gadiyeeda gheeda sibata ASEETA, ea bughalaji sis ea diktam ea iyeenya; ea Adaya, orjeeda Yerohamu, orjeeda Belaliya, orjeeda Amusa, orjeeda Sekariya, orjeeda Bashuri, orjeeda Malkiya,

¹³ ea fugaaschi duupchi, ea fuga hees bea gweargwa gealga, ea bughalaji iyeenya ea haradam ea iyeenya; ea Amashayi, was orjeeda Asareli, orjeeda Asayi, orjeeda Meshilemoti, orjeeda Imeri,

¹⁴ ak fuga nyaawa duupchi, ea headiga meanyi ea bughala ea diktam ea sis; nea siida ahaaghwa saawa abeeda ea Sabdieli gil was orjeeda Hagedolimu.

¹⁵ Ak fuga Lawi ea: Shemaya gil was orjeeda Hashubu, ea orjeeda Asrikamu, ea orjeeda Hashabiya, ea orjeeda Buni;

¹⁶ ea Shabetayi ea Yosabadi, was fuga hees bea fuga Lawi, ghayi miineadaysa gadiyeeda jarooda bea gheeda ASEETA;

¹⁷ ea Mataniya was orjeeda Mika, ea orjeeda Sabidi, ea orjeeda Asafu, ghayi was siida haw ang'eat badiischeesiinda mooshta ghawooda, ea Bakbukiya, was siideaba iyeenya aba bugusta fugaaschi duupchi; ea Abuda was orjeeda Shaamuwa, ea orjeeda Galali, ea orjeeda Yedutuni.

¹⁸ Fuga Lawi sean mida jeeda mujiineeda ghaydit ea bughalaji iyeenya ea seedam ea ang'wan.

¹⁹ Fuga fur dooshta, geaba Akubu gil, ea Dalmoni ea fuga nyaawa duupchi, was furiischoodiga dooshinga, ea bughala ea laadam ea damaniyeenya.

²⁰ Ak fuga Israeli abit, ea ashoohoodiga ea fuga Lawi, gwanda jeeda mujiinajeega sean bea Yuda, nea gaba nih mida heeda ambal.

²¹ Ak fuga gadiyeeda gheeda sibata ASEETA goobiita ng'eanyiida Ofeli, nea fuga hees mida madeanyaawa ea Siha gil ea Gishpa.

²² Nea fuga hees mida madeeda fuga Lawi mida Yerusalemu ea Usi gil was orjeeda Bani, ea orjeeda Hashabiya, ea orjeeda Mataniya, ea orjeeda Mika, ea orjooga Asafu, nea fuga sarmani gamineadaysa gadiyeeda gheeda sibata ASEETA.

²³ Abeeda gwanda diigheanda leabu heeda sugoocheanda aba badayda nyaawa, ea ng'asheanda huumwa siitaw fuga sarmani, gawuurji gideaba eawoojisu bea galeagasean.

²⁴ Ea Betahiya was orjeeda Meshesabeli, ea orjooga Sera ea orjeeda Yuda, abeeda niny siida adeaga sugoocheanda haleanjeeda gil aba badahuuka buuneeda.

Fuga mida jeeda mujiinajeega manang'i ea mujiinajeega hees

²⁵ Ak aba badayda gharang'weaka, sea madameega nyaawa, abeeda fiisu ng'ay bea Yuda goobiida ng'eanyiida Giriat-arba sea gharang'weaka nyaawa, ea Diboni ea gharang'weaka nyaawa ea Yekabseeli ea gharang'weaka nyaawa,

²⁶ ea ng'eanyiida Yeshuwa ea Molada ea Bet-beleti,

²⁷ ea Hasar-shuali, ea Beer-sheba ea gharang'weakaaschi,

²⁸ ea jeeda Siklagi ea Mekona ea gharang'weakaaschi

²⁹ ea jeeda En-rimoni ea Sora ea Yarmuut,

³⁰ Sanoa, Adulamu, ea gharang'weaka nyaawa, Lakishi ea madameagaaschi, Aseka ea gharang'weakaaschi. Hean gawus iing'eada Beer-sheba ea ghwahita moangoachiyda Hinomu.

³¹ Fuga Benjamini earaga goobiita Geba ea Mikmashi, ea Aiya, ea Beteli, ea gharang'weakaaschi,

³² ea Anatoti, ea Nobu, ea Ananiya,

³³ ea Hasori, ea Rama, ea Gitaimu,

³⁴ ea Hadidi, ea Seboimu, ea Nebalati,

³⁵ ea Lodi, ea Ono, ea moangoachiyda gearnoodiga.

³⁶ Ak fuga Lawi mwaatkwa goobiida ng'eanyiida fuga Yuda, nea mwaatkwa goobiida ng'eanyiida fuga Benjamini.