NEHEMIYA 10 - Bibliyeeda Ghaydit

¹ Fuga iin giirooraneeda suh gil, Nehemiyeeda was sugoocheanda haw, was orjeeda Hakaliya, ea Sedekiya,

² Seraya, ea Asariya, ea Yeremiya,

³ Bashuri, ea Amariya, ea Malkiya,

⁴ Hatushi, ea Shebaniya, ea Maluki,

⁵ Harimu, ea Meremoti, ea Obadiya,

⁶ Danieli, ea Ginetoni, ea Baruki,

⁷ Meshulamu, ea Abiya, ea Miyamini,

⁸ Maasiya, ea Bilgayi, ea Shemaya;

⁹ Suh ashoohoodiga gil. Ea fuga Lawi: Yoshuwa was orjeeda Asariya, ea Binuyi bea orjooga Henadadi, ea Gadimieli;

¹⁰ ea fugaaschi duupchi, was Shebaniya, ea Hodiya ea Gelita, ea Belaya, ea Hanani,

¹¹ Mika, ea Rehobu, ea Hashabiya,

¹² Sakuri, ea Sherebiya, ea Shebaniya,

¹³ Hodiya, ea Bani, ea Beninu.

¹⁴ Fuga hees bea buuneeda: Baroshi gil ea Bahati-moabu, ea Elamu, ea Satu ea Bani,

¹⁵ Buni, ea Asgadi, ea Bebayi,

¹⁶ Adoniya, ea Bigwayi, ea Adini,

¹⁷ Ateri, ea Hesekiya, ea Asuri,

¹⁸ Hodiya, Hashumu, Besayi,

¹⁹ Harifu, ea Anatoti, ea Nebayi,

²⁰ Magbishi, ea Meshulamu ea Hesiri,

²¹ Meshesabeli, ea Sadoki, ea Yadua,

²² Balatiya, ea Hananiya ea Anaya,

²³ Hosheya, ea Hananiya ea Hashubu,

²⁴ Haloheshi, ea Bilha, ea Shobeki,

²⁵ Rehumu, ea Hashabina, ea Maaseya,

²⁶ Ahiya, ea Hanani, ea Anani,

²⁷ Maluki, ea Harimu, ea Baana.

Neajeeda

²⁸ Ea fuga abit, ea ashoohoodiga, ea fuga Lawi, ea fuga fur dooshta, ea fuga sarmani, ea fuga gadiyeeda gheeda sibata ASEETA, ea gea ang'aamwa geat fuga ng'eanyiida aba deaweedeeda ASEETA, gadeemga nyaawa, ea orjooga nyaawa, ea haweega nyaawa, ea gea mideawa fughareenga sean, ea nalooda,

²⁹ ak gaguuyi sea fuga nyaawa duupchi, ea fuga nyaawa hees, ak gaweay jeeda mooshta ea habeawooda nea gwaneayeewa jeeda deaweedeeda ASEETA, ghayi siitaw Musa was siida gadiyeeda ASEETA, ak ghoang'waay nea gwasin digheanyeeka sean bea NG'UTAMIIDA was Ng'utamiideanya ea deaweedajeagaaschi ea diigheanyeekaaschi.

³⁰ Ak ea majeatawa haweagaasa fuga ng'eanyiida nea maygageena orjoagaasa haweega nyaawa;

³¹ ama inyas ghoaghaas haleanjeeda nyaawa fuga ng'eanyiida, ghana ghwashaayda booga wassean eaweeda sabaato; majeeshaaha aba heeda nyaawa eaweeda sabaato, ghana eaweeda ghaydit; ea gideaba gweaydeaba ispwa adeayaachi geeshta gilinyoo ea siileeda gil.

³² Ak geesisi geat geatinda jea eabwata gideaba aba jeeda gilakweay aba jeemba shiliingaji samwagu, akaleala gajeatayda gaba gadiyeeda gheeda ASEETA;

³³ ea mukaateeyda giihiimnooda, ea booga sisabwa geadi bea ghadooweeda bea galeagasean, ea haleanjeeda sisabwa geadi bea ghadooweeda sighwarda bea galeagasean, ea sabaato ea ng'ushiinda sheega, ea gea ghweelmoojiga, ea haleanjeeda ghaydidi, ea haleanjeeda sisapa geadi aba riing'eeda jea eesina giiduupcheeda fuga Israeli, ea aba gadiyeeda sean bea gheeda ASEETEANYA.

³⁴ Aseasa ea ashoohoodiga, ea fuga Lawi, ea buuneeda, inyeesa gilakweay gealoachi fuga jea gweadu ghweenga ghadooweeda bea gheeda ASEETEANYA, gawuurji gidanyaashta naweeda gealga ghweanigaasa, aba damanda sirugu, aba gideaba gajeaghwarda aba heeda wagiida bea NG'UTAMIIDA was ASEETEANYA, gawuurji gida ghayi sing'waarda aba jeeda deaweeda.

³⁵ Ak gajeeheeleesiina gideaba gilakweay gajeeyeana gheeda NG'UTAMIIDA haghweega madeeda bea ng'eanyiideanya, ea haghweega madeeda sean bea gilinyoo ea geeta gil;

³⁶ ak gajeeyeana gicha gheeda ASEETEANYA, heeda ashoohoodiga gadiiyi aba gheeda ASEETEANYA, duweachajeega orjoagaasa ea gea dugwaasa, gawuurji gidaghayi sing'waarda aba jeeda deaweeda, dayeega noagaasa ea gisilgaasa;

³⁷ ak gajeeyeana dearangaasa bea madeeda, ea haleanjeedeanya sisapi geadi, ea haghweega gilinyoo ea geeta gil, ea difaayi ea nagheeda, ashoohoodiga mida ghushuutka gheeda ASEETEANYA; ak gajeatawa fuga Lawi gilagi aba jeeda gilatamanamughuush bea ng'eanyiideanya, aba gideaba fuga Lawi ghoawaam gilagi aba jeeda gilatamanamughuush aba jeeda mujiinajeagaasa sean.

³⁸ Nea ashoohoocheanda, was orjeeda Haruni, gaygwandeayi sea fuga Lawi, damanda ang'waanya fuga Lawi gilagi aba jeeda gilatamanamughuush; ak fuga Lawi gaygweadu gooscheeng'u gilagi aba jeeda gilatamanamughuush bea gilagi aba jeeda gilatamanamughuush bea gheeda ASEETEANYA, bea ghushuutka heeda siitiiwiisa haleanjeeda.

³⁹ Aba gideaba fuga Israeli ea orjooga Lawi gaygweadu haleanjeeda sisapa geadi was booga, ea difaayi, ea nagheeda ghushuutka, was heeda mida dabita heeda ghaydit ea ashoohoodiga gadiiyi, ea furiischoodiga fur dooshta, ea fuga sarmani. Ak aseasa ea majeenung'usiina heeda gheeda ASEETEANYA.