IITOODA 26 - Bibliyeeda Ghaydit

Iitooda buuneeda bea iyeenya

¹ Iimuchu nea ning'ata lasoodida, goobalool NG'UTAMIIDA Musa ea Eliyasari, orjeeda Haruni was ashoohoocheanda, ak gwayeesha,

² “Asi iita ak ginyasi mooneeda fuga sean bwatgeat bea Israeli, ghang'eada gea bea gweanyeew diktam, ea gea naawa, aba gealga ghweaniga nyaawa, fuga sean bea jeeda Israeli ammu gwarita gaweay ng'ucheeda.”

³ Hean goobalool Musa ea Eleyasareeda was ashoohoocheanda fugiga aba ng'eanyiida awiida bea Moabu neekeewa eenda Yordani, aba Yeriko, ak gwayeesha,

⁴ “Asi iita buuneeda, nea giing'eadi gea bea gweanyeew diktam, ea gea naawa,” gawuurji gidarukusiinda NG'UTAMIIDA Musa. Fuga Israeli rinna ng'eanyiida Misri, suhu:

⁵ Rubeni gil, was duweacheeda Israeli; orjooga Rubeni; gea Hanoki, fuga gheeh Hanoki; ea gea Balu;

⁶ ea Hesroni, ea fuga gheeh Hesroni; ea gea Garmi, ea fuga gheeh Garmi.

⁷ Suh fuga gheeh Rubeni; nea mooneeda nyaawa ea sagalamnyooji haradam ea samwagu ea bughalaji ispwa ea diktam ea damanamughuush.

⁸ Nea jeacheenga Balu ea Eliyabu.

⁹ Nea jeacheenga Nemueli ea Datani, ea Abiramu. Suh Datani gil ea Abiramu was gea loat aba jeeda eemeeda bwatgeat, was fuga ng'aleali sea Musa ea Haruni ak gaguuyi sea fuga Gora, damanda ng'alealeewa sea NG'UTAMIIDA,

¹⁰ ak ghoabwara ghuutaanyi ng'eanyiida ak ghwanukghuta saawa ea Gora, sea fuga aat geeshta damanda aga beasta fih bughalaji iyeenya ea haradam ea damanamughuush, ak ghoah miinda gheang'da aba heeda buuneeda.

¹¹ Eara gwasa, orjooga Gora mameewa.

¹² Fuga eemeeda Simeoni ea fuga gheanyaawa, gea Nemueli, ea Yamini, ea Yakini,

¹³ Sera ea Shauli, ea fuga gheeh Shauli.

¹⁴ Suh fuga dooshta Simeoni, buuneeda ea sagalamnyooji diktam ea iyeenya ea bughalaji iyeenya.

¹⁵ Fuga eemeeda Gadi ea fuga gheanyaawa, fuga gheeh Sifoni, fuga dooshta Sifoni; fuga Hagi, ea fuga dooshta Hagi; fuga Shuni, ea fuga dooshta Shuni;

¹⁶ fuga Esboni, ea fuga dooshta Esboni; fuga Eri, ea fuga dooshta Eri;

¹⁷ ea fuga Arodi, ea fuga dooshta Arodi; fuga Areli, ea fuga dooshta Areli.

¹⁸ Suh fuga dooshta Gadi aba gisiyiitiida aba gheanyaawa, sagalamnyoojiga ea haradam ea bughalaji muut.

¹⁹ Orjooga Yuda, Eri gil ea Onani; nea fiisu was Eri ea Onaniin gameewiisa ng'eanyiida Ganaani.

²⁰ Fuga Yuda aba gidabeada fuga gheanyaawa; fuga Shela, ea fuga dooshta Shela; fuga Beresi, ea fuga dooshta Beresi; fuga Sera, ea fuga dooshta Sera.

²¹ Nea fuga gheeh Beresi ea: fuga Hesroni gil, ea fuga dooshta Hesroni; fuga Hamuli, ea fuga dooshta Hamuli.

²² Suh fuga dooshta Yuda gil siyiitiisa gheanyaawa, ea sagalamnyooji laadam ea damwalah ea bughalaji muut.

²³ Orjooga Isakari aba gidabeada fuga gheanyaawa; fuga Dola, fuga gheeh Dola; fuga gheeh Bufa, fuga gheeh Buni;

²⁴ fuga Yashubu, fuga gheeh Yashubu, fuga Shimroni, fuga gheeh Shimroni.

²⁵ Suh fuga gheeh Isakari aba giteena mooneeda nyaawa, ea sagalamnyooji laadam ea ang'wan ea bughalaji samwagu.

²⁶ Orjooga Sabuloni aba gidabeada gheanyaawa, fuga Seredi, fuga gheeh Seredi; fuga Eloni, fuga gheeh Eloni; fuga Yaleeli, fuga gheeh Yaleeli.

²⁷ Suh fuga gheeh Sabuloni aba giteena mooneeda nyaawa, ea sagalamnyooji laadam ea bughalaji muut.

²⁸ Orjooga Yosefu aba gidabeada gheanyaawa, Manase gil ea Efraimu.

²⁹ Orjooga Manase, fuga Makiri, ea fuga gheeh Makiri; nea Makiri ea ghweanda Gileyadi; fuga Gileyadi, fuga gheeh Gileyadi.

³⁰ Suh orjooga Gileyadi; fuga Abieseri, fuga gheeh Abieseri; fuga Heleki, fuga gheeh Heleki;

³¹ ea gea Asrieli, fuga gheeh Asrieli; ea gea Shekemu, fuga gheeh Shekemu;

³² gea Shemida, fuga gheeh Shemida; gea Heferi, fuga gheeh Heferi.

³³ Nea Selofehadi orjeeda Heferi ea mandeawana orjooga, geaghus haweega; nea gheawungeaba haweesu bea Selofehadiin ea suh, Mala gil, ea Nuhu, ea Hogla, ea Milka, ea Dirsa.

³⁴ Suh fuga dooshta Manaseehi; nea fuga siyiitiisa gheanyaawa ea sagalamnyooji haradam ea damaniyeenya ea bughalaji ispwa.

³⁵ Orjooga Efraimu aba gidabeada fuga gheanyaawa; fuga Shutela, fuga gheeh Shutela; fuga Beredi, fuga gheeh Beredi; fuga Dahati, fuga gheeh Dahati.

³⁶ Nea orjooga Shutela ea suh; fuga Erani, ea fuga gheeh Erani.

³⁷ Suh fuga dooshta Efraimu siyiitiisa gheanyaawa, ea sagalamnyooji diktam ea damaniyeenya ea bughalaji muut. Suh diibiga Yosefu gil aba giteena fuga gheanyaawa.

³⁸ Orjooga Benjamini aba gidabeada fuga gheanyaawa; fuga Bela, ea fuga gheeh Bela; ea fuga Ashbeli, fuga gheeh Ashbeli; fuga Ahiramu, fuga gheeh Ahiramu;

³⁹ fuga Shufamu, fuga gheeh Shufamu; fuga Hufamu, fuga gheeh Hufamu.

⁴⁰ Nea orjooga Bela ea Ardi ea Naamani; suh Ardi, fuga gheeh Ardi; fuga Naamani, fuga gheeh Naamani.

⁴¹ Suh dooshta Benjamini gil aba gidabeada fuga gheanyaawa; fuga siyiitiisa gheanyaawa ea sagalamnyooji haradam ea muut ea bughalaji lah.

⁴² Orjooga Dani suh ea fuga gheanyaawa; fuga Shuhamu, fuga gheeh Shuhamu. Suh fuga gheeh Dani gil aba gidabeada fuga gheanyaawa.

⁴³ Fuga sean bea gheeh Shuhamu was fuga siyiitiisa gheanyaawa, ea sagalamnyooji laadam ea ang'wan ea bughalaji ang'wan.

⁴⁴ Orjooga Asheri ea gidabeada fuga gheanyaawa; fuga Imna, fuga gheeh Imna; fuga Ishfi, fuga gheeh Ishfi; fuga Beriya, fuga gheeh Beriya.

⁴⁵ Gea orjooga Beriya; fuga Heberi, fuga gheeh Heberi; fuga Malkieli, fuga gheeh Malkieli.

⁴⁶ Nea gheawunga hudeaba Asheri geeguura Sera.

⁴⁷ Suh fuga orjooga Asheri siyiitiisa gheanyaawa, ea sagalamnyooji haradam ea damasamwagu ea bughalaji ang'wan.

⁴⁸ Orjooga Naftali ea gidabeada fuga gheanyaawa; fuga Yaseli, fuga gheeh Yaseli; ea fuga Guni, fuga gheeh Guni;

⁴⁹ fuga Yeseri, fuga gheeh Yeseri; fuga Shilemu, fuga gheeh Shilemu.

⁵⁰ Suh fuga dooshta Naftali aba gidabeada fuga gheanyaawa; ak geeyiitiisa gheanyaawa ea sagalamnyooji haradam ea muut ea bughalaji ang'wan.

⁵¹ Suh fuga siyiida aba jeeda fuga Israeli, ea sagalamnyooji bughalaji lah ea agi, ea bughalaji ispwa ea diktam ea damanamughuush.

⁵² Ng'ata goobalool NG'UTAMIIDA Musa ak gwayeesha,

⁵³ “Fiisu gajeelakiisa ng'eanyiini ak gwahearan ghoah daanyaawa, aba giteena mooneeda gheawunga nyaawa.

⁵⁴ Ak eemeeda burda seang'ayda gajadawa heeda haw jea gwahearan, nea gea ng'ay mooneeda nyaawa gajadawa heeda jea gwahearan aba giteena ng'ayinda nyaawa; giliwas sih aba mooneeda fugaaschi siyiida, nih gichea gwadeena hearaniischoadaanyi jea eataw.

⁵⁵ Nea ng'eanyiida gajeelaja aba ng'alealeesiinda, aba giteena gheawunga buuneeda aba ghweaniga nyaawa nih gichea gwahearaniischeata.

⁵⁶ Gajeelakiisa hearaniischooda nyaawa nea gang'alealeesa fuga saang'a ea gea ng'ay.”

⁵⁷ Suh fuga eemeeda Lawi siyiida aba gidabeada fuga gheanyaawa; gea Gershoni, fuga gheeh Gershoni; gea Gohati, fuga gheeh Gohati; gea Merari, fuga gheeh Merari.

⁵⁸ Suh fuga dooshta Lawi gil; fuga gheeh Libni, ea fuga gheeh Hebroni, ea fuga gheeh Mala, ea fuga gheeh Mushite, ea fuga gheeh Gora. Nea Gora ea ghweanda Amramu.

⁵⁹ Gheawunga gatmooda Amramu geeguura Yokebedi was hudeaba Lawi ghayi jih Lawi aba ng'eanyiida Misri; ak gwajiilsa Yokebedi Amramu Haruni, ea Musa, ea huda ghaamwat siguura Miriyamu.

⁶⁰ Nea Haruni geejiilsa suh, Nadabu, ea Abihu, ea Eliyasari, ea Itamari.

⁶¹ Ak ghami Nadabu ea Abihu, damanda adaydaawa beasta mii ghaydit aba madeeda NG'UTAMIIDA.

⁶² Nea fuga siyiitiisa gheanyaawa ea sagalamnyooji diktam ea samwagu, giliwas ng'eedeeda bea sheanagi ghana ghwanaawa; aba gideaba meeyiita sea fuga Israeli, aba gideaba mwanyasa hearaniischooda aba jeeda fuga Israeli.

⁶³ Suh fuga iida Musa ea Eleyasareeda was ashoohoocheanda; was fuga ghayi iida fuga Israeli aba ng'eanyiida awiida bea Moabu, neekeewa Yordani mida ng'eanyiida Yeriko.

⁶⁴ Nea aba jeedeaba fiisu ea manda eara siyagi aba jeedeaba fugiga iida Musa ea Haruneeda was ashoohoocheanda; dea iida fuga Israeli aba dareapcheeda Sinayi.

⁶⁵ Aba gideaba gwayi NG'UTAMIIDA aba badahuuka nyaawa, “Gaygameewiisa jeeda dareapcheeda.” Ak ea manda siida abit aba jeenyaawa geaghus Galebu orjeeda Yefune, sea Yoshuwa orjeeda Nuni.