AmaHubo 61 - IBhayibhili Elingcwele LesiNdebele

Ihubo 61

Kumqondisi wokuhlabela. Kutshaywa iziginci. ElikaDavida.

¹ Zwana ukukhala kwami, Oh Nkulunkulu; lalela umkhuleko wami.

² Ngisemkhawulweni womhlaba ngiyakubiza, ngiyabiza lapho inhliziyo yami isiphela amandla; ngikhokhelela edwaleni eliphakeme kulami.

³ Ngoba ube uyisiphephelo sami, inqaba eqinileyo evikela esitheni.

⁴ Ngiyalangazelela ukuhlala ethenteni lakho laphakade ngizifihle emthunzini wamaphiko akho.

⁵ Phela usuzizwile izifungo zami, Oh Nkulunkulu; usungiphile ilifa lalabo abalesabayo ibizo lakho.

⁶ Yandisa insuku zempilo yenkosi, iminyaka yayo okwezizukulwane ezinengi.

⁷ Sengathi ingaba sesihlalweni iphambi kukaNkulunkulu nini lanini; wabele uthando Lwakho lokuthembeka Kwakho kuyivikele.

⁸ Lapho-ke ngizahlala ngihlabelela indumiso ebizweni Lakho ngigcwalise izifungo zami insuku ngensuku.