AmaHubo 23 - IBhayibhili Elingcwele LesiNdebele

Ihubo 23

Ihubo likaDavida.

¹ UThixo ungumelusi wami, angiyikuswela lutho.

² Ungilalisa emadlelweni aluhlaza, ungikhokhelela emanzini apholileyo,

³ uvuselela umphefumulo wami. Uyangihola ezindleleni zokulunga ngenxa yebizo lakhe.

⁴ Loba ngidabula esigodini sethunzi lokufa, angiyikwesaba okubi ngoba wena ulami; intonga Yakho lodondolo Lwakho kuyangiduduza.

⁵ Ulungisa itafula phambi kwami emehlweni ezitha zami. Ugcoba ikhanda lami ngamafutha; inkomitsho yami igcwele iyaphuphuma.

⁶ Impela okuhle lothando kuzangilandela zonke insuku zokuphila kwami, njalo ngizahlala endlini kaThixo kuze kube nininini.