AmaHubo 13 - IBhayibhili Elingcwele LesiNdebele

Ihubo 13

Kumqondisi wokuhlabela. Ihubo likaDavida.

¹ Koze kube nini, Oh Thixo? Uzangikhohlwa lanininini na? Koze kube nini ungifihlela ubuso bakho na?

² Koze kube nini ngitshukumisana lemicabango yami, inhliziyo yami ihlale idabukile insuku zonke na? Koze kube nini isitha sami sitshakala phezu kwami?

³ Ngizwela ungiphendule, Oh Thixo Nkulunkulu wami. Khanyisela amehlo ami funa ngihle ngilale kokuphela;

⁴ isitha sami sizakuthi, “Sengimehlule,” labangizondayo bathokoze nxa ngisiwa.

⁵ Kodwa ngiyalwethemba uthando lwabo olungapheliyo; inhliziyo yami iyathokoza ngensindiso yakho.

⁶ Ngizahlabelela kuThixo, ngoba ungenzele ukulunga.