AmaHubo 97 - iBhayibhili Elingcwele 1978

Ukubusa lamandla eNkosi

¹ INkosi iyabusa; kawuthokoze umhlaba, ajabule wonke amazwe angasolwandle.

² Iphahliwe ngamayezi lomnyama; ukulunga lokwahlulela kuyisisekelo sesihlalo sayo sobukhosi.

³ Umlilo uyavutha phambi kwayo, utshise izitha zayo inxa zonke.

⁴ Imibane yayo iyakhanyisa umhlaba; umhlaba uyakubona, uthuthumele.

⁵ Izintaba ziyancibilika njengengcino phambi kweNkosi, phambi kweNkosi yomhlaba wonke.

⁶ Amazulu ayatshumayela ukulunga kwayo; labantu bonke bayayibona inkazimulo yayo.

⁷ Bayayangeka bonke abakhonza izithombe, abazikhukhumeza ngezithombe eziyize; onkulunkulu bonke bayakhothama phambi kwayo.

⁸ IZiyone liyezwa, lithokoze, labakoJuda bayathaba ngenxa yezahlulelo zakho, Nkosi.

⁹ Ngoba wena, Nkosi, ungoPhezukonke emhlabeni wonke, uyabedlula onkulunkulu bonke.

¹⁰ INkosi iyabathanda labo abazonda okubi; iyagcina ukuphila kwabangcwele bayo, ibakhulule esandleni somubi.

¹¹ Ukukhanya kuyabaphumela abalungileyo, lokuthokoza abanhliziyo eqotho.

¹² Thokozani eNkosini, lina balungileyo, libonge ibizo layo elingcwele.