AmaHubo 82 - iBhayibhili Elingcwele 1978

UNkulunkulu nguye yedwa umahluleli

¹ UNkulunkulu uyema emhlanganweni wabonkulunkulu, uyahlulela phakathi kwabonkulunkulu uthi:

² Koze kube nini lisahlulela ngokungalunganga, likhetha ababi na?

³ Yahlulelani obuthakathaka loyintandane, limenzele okufaneleyo ohluphekayo loswelayo.

⁴ Khululani obuthakathaka loswelayo, libophule ezandleni zababi.

⁵ Kabalakwazi lokuqedisisa, bahamba emnyameni; izisekelo zonke zomhlaba ziyazamazama.

⁶ Mina ngathi: Lingonkulunkulu lina, lonke lingamadodana oPhezukonke.

⁷ Kodwake lizakufa njengabantu nje, liwe lanjengasiphi isikhulu.

⁸ Vuka, Nkulunkulu! wahlulele umhlaba; ngoba wena izizwe zonke zingezakho.