AmaHubo 61 - iBhayibhili Elingcwele 1978

Umkhuleko wokucela ukuvikelwa

¹ Nkulunkulu, zwana ukukhala kwami, ulalele umkhuleko wami.

² Ngiyakhuleka kuwe ngisemikhawulweni yomhlaba, lapho inhliziyo yami ibuthakathaka. Ngiholela edwaleni eliphakemeyo kulami,

³ ngoba wena uyisiphephelo sami, inqaba eqinileyo yokucatshela izitha.

⁴ Ngivumela ngihlale ethenteni lakho kuze kube nininini, ngivikeleke emthunzini wamaphiko akho.

⁵ Ngoba wena, Nkulunkulu, uzwile izithembiso zami, wanginika isabelo sabesaba ibizo lakho.

⁶ Yengeza insuku zokuphila kwenkosi; iminyaka ngeminyaka izizukulwana ezinengi.

⁷ Kayibuse phambi kwakho, Nkulunkulu, kuze kube nininini; uyimisele uthando olungapheliyo lobuqotho, ukuba kuyilondoloze.

⁸ Ng’khona ngizakulidumisa ibizo lakho kuze kube nininini, lapho ngigcwalisa izithembiso zami insuku ngensuku.