AmaHubo 60 - iBhayibhili Elingcwele 1978

Umkhuleko wokucela ukusizwa lokunqoba

¹ Nkulunkulu, usilahlile, wasichitha, ubuthukuthele, akusivuselele.

² Uwuzamazamisile umhlaba, wawudabula izimfa; vala izimfa zawo, ngoba uyazamazama.

³ Abantu bakho ubazwise izinto ezinzima; usinathise iwayini elisenza sidayizele.

⁴ Ubanikile labo abakwesabayo isiboniso sempi, ukuba babuthane kuso lapho bebalekela izitha zabo.

⁵ Ukuze abathandekayo bakho bakhululwe nqoba ngesandla sakho sokunene, usiphendule.

⁶ UNkulunkulu ukhulumile esendaweni yakhe engcwele, wathi: Ngokuthaba ngizakulicanda iShekema, ngisabe isihotsha saseSukothi.

⁷ Ungowami uGileyadi, ungowami uManase, uEfrayimi uyisivikelo sekhanda lami, uJuda uyintonga yami yokubusa.

⁸ UMowabi ungumganu wami wokugezela, phezu kukaEdoma ngiphosela amanyathelo ami, ngithabe ngokunqoba iFilistiya.

⁹ Ngubani ozakungisa emzini oqinileyo na? Ngubani ozangiholela eEdoma na?

¹⁰ Wena, Nkulunkulu, kawusilahlanga na? Nkulunkulu, kawusaphumi lezimpi zethu.

¹¹ Akusisize ezitheni zethu, ngoba ukusiza komuntu kuyize.

¹² NgoNkulunkulu sizakunqoba, kunguye ozakunyathela phansi izitha zethu.