AmaHubo 142 - iBhayibhili Elingcwele 1978

Umkhuleko wokucela ukusizwa ekuhluphekeni

¹ Ngiyakhuleka eNkosini ngelizwi lami, ngelizwi lami ngiyanxusa eNkosini;

² ngiyabeka ukukhathazeka kwami phambi kwayo, ngiyitshele ukuhlupheka kwami.

³ Lapho umoya wami uphela amadla, wena uyayazi indlela yami. Endleleni engihamba kuyo bangithiyile khona.

⁴ Ngikhangela ngakwesokunene, kodwa kakho onginanzayo; kakukho isiphephelo kimi, kakho ongikhathalelayo.

⁵ Ngiyakhuleka kuwe, Nkosi, ngithi: Wena uyisiphephelo sami, isabelo sami elizweni labaphilayo.

⁶ Akulalele umkhuleko wami, ngoba ngehliselwa phansi kakhulu. Ngikhulula kubo abangizingelayo, ngoba balamandla kulami.

⁷ Ngikhupha enhluphekweni yami, ukuba ngibonge ibizo lakho. Abalungileyo bazakungibuthanela, ngoba ungiphatha kuhle kakhulu.