AmaHubo 124 - iBhayibhili Elingcwele 1978

Ukubonga ukukhululwa ezitheni

¹ Uba iNkosi ibingasimelanga — katsho uIsrayeli athi —

² Uba iNkosi ibingasimelanga mhla abantu besivukela,

³ ngabe basiginya saphela, mhla ukuthukuthela kwabo kusivuthela;

⁴ ngabe amanzi amanengi asikhukhula, lezimpophoma zedlula phezu kwethu,

⁵ lamavinqo aqubukayo asisibekela.

⁶ Kayibongwe iNkosi, engasinikelanga ukuba sidliwe ngamazinyo abo.

⁷ Siphunyukile njengenyoni iphunyuka emjibileni womthiyi; umjibila uqamukile, saphunyuka.

⁸ Usizo lwethu lusebizweni leNkosi eyenza izulu lomhlaba.