AmaHubo 114 - iBhayibhili Elingcwele 1978

Isihlabelo sePhasika

¹ Kwathi ekuphumeni kukaIsrayeli eGibithe, lendlu kaJakobe ebantwini bolunye ulimi,

² uJuda waba yindlu yeNkosi engcwele, loIsrayeli waba ngumbuso wayo.

³ Ulwandle lwakubona lwabaleka, leJordani yabuyela emuva.

⁴ Intaba zaqolotsha njengezinqama, lamaqaqa njengamawundlu.

⁵ Kwenze njani wena lwandle, ukuba ubaleke na? lawe Jordani, ukuba ubuyele emuva na?

⁶ lani zintaba, ukuba liqolotshe njengezinqama na? lani maqaqa, njengamawundlu na?

⁷ Thuthumela, mhlaba, phambi kweNkosi, phambi kukaNkulunkulu kaJakobe,

⁸ yena ophendula idwala libe lichibi lamanzi, lelitshe eliqinileyo libe ngumthombo wamanzi.