AmaHubo 101 - iBhayibhili Elingcwele 1978

Ukuthembisa ukuhamba ngendlela elungileyo

¹ Ngizakuhlabela ngesihawu langokulunga; ngizakuhlabela kuwe, Nkosi.

² Ngizakulandela indlela elungileyo. Uzakuza nini kimi na? Ngizakuhamba ngobuqotho benhliziyo endlini yami.

³ Kangiyikubeka phambi kwamehlo ami into embi. Ngiyakuzonda ukwenza kwabaphambukayo; kangiyikukuvuma.

⁴ Ukuphambana kwenhliziyo kuzakuba khatshana lami; kangiyikwazi okubi.

⁵ Yena ohleba umakhelwana wakhe ensitha ngizakumchitha. Ozigqajayo lozikhukhumezayo kangiyikumvumela.

⁶ Ngizakuba lomusa kulabo abathembekileyo elizweni, ukuze bahlale lami. Yena ohamba endleleni elungileyo uzakungisebenzela.

⁷ Okhohlisayo kayikuhlala endlini yami, lokhuluma amanga kayikuma phambi kwami.

⁸ Insuku zonke ekuseni ngizakubachitha bonke ababi elizweni, ukuze ngibaqede bonke abenza okubi emzini weNkosi.