1 ImiLando 7 - iBhayibhili Elingcwele 1978

Inzalo kaIsakari

¹ Amadodana kaIsakari ayengoTola loPuwa loJashubi loShimroni, bebane.

² Amadodana kaTola ayengoUzi loRefaya loJeriyeli loJahimayi loIbisamu loShemuweli, beyizinhloko zezindlu, abakoTola, babengamaqhawe alamandla ezizukulwaneni zabo; ensukwini zikaDavida babezinkulungwane ezingamatshumi amabili lambili, lamakhulu ayisithupha.

³ Indodana kaUzi yayinguIzrahiya. Amadodana kaIzrahiya ayengoMikayeli loObadiya loJoweli loIshiya, bebahlanu, beyizinhloko bonke.

⁴ Phezu kwalabo kwakukhona amaxuku empi abuthwayo ngosendo lwawo langezindlu zawo, inani labantu liyizinkulungwane ezingamatshumi amathathu lesithupha, ngoba babelabafazi abanengi labantwana abanengi.

⁵ Izihlobo zabo zezindlu zakoIsakari zazingamaqhawe alamandla, ziyizinkulungwane ezingamatshumi aficaminwembili lesikhombisa, zilotshwe ngezizukulwana zazo.

Inzalo kaBenjamini

⁶ Amadodana kaBenjamini ayengoBela loBekeri loJediyayeli, bebathathu.

⁷ Amadodana kaBela ayengoEziboni loUzi loUziyeli loJerimothi loIri, bebahlanu, beyizinhloko zezindlu lamaqhawe alamandla; balotshwa ngezizukulwana zabo, beyizinkulungwane ezingamatshumi amabili lambili, lamatshumi amathathu lane.

⁸ Amadodana kaBekeri ayengoZemira loJowashi loEliyezeri loEliyohenayi loOmri loJeremothi loAbija loAnathathi loAlemethi; bonke laba babengamadodana kaBekeri,

⁹ beyizinhloko zezindlu lamaqhawe alamandla; balotshwa ngezizukulwana zabo, beyizinkulungwane ezingamatshimi amabili, lamakhulu amabili.

¹⁰ Indodana kaJediyayeli yayinguBilihani. Amadodana kaBilihani ayengoJewushi loBenjamini loEhudi loKenahana loZethani loTarshishi loAhishahari;

¹¹ bonke laba babengamadodana kaJediyayeli, beyizinhloko zezindlu lamaqhawe alamandla; babezinkulungwane ezilitshumi lesikhombisa lamakhulu amabili, abangaphuma impi.

¹² OShupimi loHupimi babengamadodana kaIri, loHushimi eyindodana kaAheri.

Inzalo kaNafitali

¹³ Amadodana kaNafitali ayengoJazeli loGuni loJezeri loSahuma, azalwa kuBiliha.

Inzalo kaManase

¹⁴ Nansi inzalo kaManase. UAsiriyeli amzala komunye umfazi wakhe ongumAramu; lumfazi wamzalela njalo uMakiri, uyise kaGileyadi.

¹⁵ UMakiri wathatha umfazi obizo lakhe nguMahaka. Indodana yesibili yayinguZelofehadi; uZelofehadi wayelamadodakazi.

¹⁶ UMahaka umkaMakiri wazala indodana, wayitha ibizo wathi nguPereshi; ibizo lomfowabo lalinguShereshi, lamadodana akhe ayengoUlamu loRakema.

¹⁷ Indodana kaUlamu yayinguBedani. Labo babengamadodana kaGileyadi kaMakiri kaManase.

¹⁸ Udadewabo uHamolekethi wazala oIshodi loAbiyezeri loMahla.

¹⁹ Amadodana kaShemida ayengoAhiyani loShekema loLikhi loAniyamu.

Inzalo kaEfrayimi

²⁰ Inzalo kaEfrayimi yayingoShuthela, lomntanakhe uBeredi lomntanakhe uTahathi, lomntanakhe uEleyada, lomntanakhe uTahathi,

²¹ lomntanakhe uZabadi, lomntanakhe uShuthela; amanye amadodana kaEfrayimi, oEzeri loEleyadi, abulawa ngabaseGathi ababezelwe kulelolizwe, lapho efika ukuzathumba izifuyo zabo.

²² UEfrayimi uyise wabalilela insuku ezinengi, abafowabo beza ukumduduza.

²³ UEfrayimi wangena engutsheni lomkakhe; wathatha isisu, wazala indodana, wayitha ibizo wathi nguBeriya, ngoba indlu yakhe yayehlelwe yibubi.

²⁴ Wayelendodakazi ethiwa nguShera, owakha iBeti‐Horoni elingaphansi lelingaphezulu kanye leUzeni‐Shera.

²⁵ Wayelendodana ethiwa nguRefa owazala uReshefi, owazala uTela, owazala uTahani,

²⁶ owazala uLadani, owazala uAmihudi, owazala uElishama,

²⁷ owazala uNuni, owazala uJoshuwa.

²⁸ Amazwe awo lemizi yawo kwakuyiBetheli lemizana yalo, ngasempumalanga iNaharani, ngasentshonalanga iGezeri lemizana yalo, leShekema lemizana yalo, leAya lemizana alo.

²⁹ Futhi abakoManase babeleBeti‐Sheyani lemizana yalo, leTanaki lemizana yalo, leMegido lemizana yalo, leDori lemizana yalo. Kuyo yonke le bahlala abakoJosefa indodana kaIsrayeli.

Inzalo kaAsheri

³⁰ Amadodana kaAsheri ayengoImina loIshiva loIshivi loBeriya; lodadewabo wayenguSera.

³¹ Amadodana kaBeriya ayengoHeberi loMalikiyeli uyise kaBirizayithi.

³² UHeberi wazala uJafileti loShomeri loHothamu lodadewabo uShuwa.

³³ Amadodana kaJafileti ayengoPasaki loBimihali loAshivathi; yiwo lawo amadodana kaJafileti.

³⁴ Amadodana kaShomeri umfowabo ayengoRohiga loJehuba loAramu.

³⁵ Amadodana kaHathamu umfowabo ayengoZofa loImina loSheleshi loAmali.

³⁶ Amadodana kaZofa ayengoSuwa loHarineferi loShuwali loBeri loImra

³⁷ loBezeri loHodi loShama loShilisha loIthirani loBera.

³⁸ Amadodana kaJetheri ayengoJefune loPisipa loAra.

³⁹ Amadodana kaUla ayengoAra loHaniyeli loRiziya.

⁴⁰ Bonke labo babengabakoAsheri, izinhloko zezindlu, abantu abakhethiweyo, bengamaqhawe alamandla. Balotshwa ngezizukulwana zabo ukuba baphume impi; babezinkulungwane ezingamatshumi amabili lesithupha.