Sekaraia 5_1 - NISVITAI ITAP ANTAS ANEJOM

1 Er asuptecnaig an nitaasviitai et aepan intas ahlaijaig vai ilpu atimi ehnegitai im ilpu atimi era tup asaig nidai Atua ara, 5 im lep an takata er atise yin an nipjinitai nauahas ehni vaig u nup u Babelon.

¹ KIS ahidai nyak ainyak um yasjipan um ecetai nitaasviitai is ae.

² Is ika ehelek aien, Na almoi inhe aiek? Kis um ika ainyak, Ek ecetai nitaasviitai et ae ainyak; nopra iran kubit et twente, im netgeig iran kubit et ten.

³ Is ika ehelek aien, Intas ahlaijaig nigki etpu apaahni an pece asega: uhpu erekhaig pagki an nahaijin inigki natimi asega era ehnegitai ara, et idivaig intas eris aged an nitaasviitai inigki; uhpu lep erekhaig pagki an nahaijin iyehki natimi asega, era asaig intas aktit ura jam ahcil, et idivaig intas eris aged ari nitaasviitai inigki.

⁴ Et ika a Ihova esjilid acen; Ekpu imiapam intas ahlaijaig inigki ainyak, etpu amiliak pan anliin neom u natimi ehnegitai, im lep anliin neom o un et asig yi aktit intas aien va nidak jam ahcil: etpu amen aktit juju anliin neom o un, um auahas neom o un, im niji uari cai iran, im lep niji hat nan.

⁵ Is yetpan a nagelo iyehki is tas ehelek aien, um ika ehelek, Namu yasjipan aiek, um almoi nitai inigki et yetpam.

⁶ Kis ika ainyak, Inhe nigki? Is ika aien, Ifa nigki et yetpam. Is lep ika aien, Et uce nago iran an pece asega.

⁷ Kis lep ecetai nuarin let is ethi um arehed ainyak: is lep ateuc a intakata is ethi juju irai ifa.

⁸ Is ika aien, Et idivaig nedo auatatimi a intakata inigki. Is um ethaigse yin aien juju irai ifa, um atise nuarin let iyehki an neucse ifa.

⁹ Kis yasjipan ainyak, um almoi, ja par ecet intakata is ero erus yetpam arau, is amen irai ehparau nimtinjap; is idim eteuc nehparau um idivaig ehpai inman alupas: erus um alcacseijai ifa iyehki arau an niblan nobohtan im nohatag.

¹⁰ Kis ika ainyak ehele nagelo iyehki is tas ehelek aien, Erau imiapan eda ifa inigki arau?

¹¹ Is ika ehelek aien, Er imiapan mika eri ago neom urin an pece Sainar: eri imiatidai ifa eahki, um ati aktit an nidjin.