Masalimo 7:12 - Buku Lopatulika

Akapanda kutembenuka munthu, iye adzanola lupanga lake; wakoka uta wake, naupiringidza.

Chichewa Buku Lopatulika Bible 2014

Akapanda kutembenuka munthu, iye adzanola lupanga lake; wakoka uta wake, naupiringidza.

Buku Loyera Catholic Edition - Chichewa

Ngati munthu salapa, Mulungu adzanola lupanga lake, adzakunga ndi kukoka uta wake.

Mawu a Mulungu mu Chichewa Chalero

Ngati munthu satembenuka, Mulungu adzanola lupanga lake, Iye adzawerama ndi kukoka uta.

Masalimo 7:12 Mawu Ofanana

Genesis 18:25

Musamatero ai, kupha olungama pamodzi ndi oipa, kuta olungama akhale monga oipa; musamatero ai; kodi sadzachita zoyenera woweruza wa dziko lonse lapansi?

Masalimo 129:4

Yehova ndiye wolungama; anadulatu zingwe za oipa.

Masalimo 85:4

Mutibweze, Mulungu wa chipulumutso chathu, nimuletse udani wanu wa pa ife.

Masalimo 9:5

Mwadzudzula amitundu, mwaononga woipayo, mwafafaniza dzina lao kunthawi yonka muyaya.

Yesaya 27:1

Tsiku limenelo Yehova ndi lupanga lake lolimba ndi lalikulu ndi lamphamvu adzalanga Leviyatani njoka yothamanga, ndi Leviyatani njoka yopindikapindika; nadzapha ching'ona chimene chili m'nyanja.

Yesaya 34:5

Pakuti lupanga langa lakhuta kumwamba; taonani, lidzatsikira pa Edomu, ndi pa anthu amene ndawatemberera, kuti aweruzidwe.

Ezekieli 18:30

Chifukwa chake ndidzakuweruzani inu, nyumba ya Israele, yense monga mwa njira zake, ati Ambuye Yehova. Bwererani, nimutembenukire kuleka zolakwa zanu zonse, ndipo simudzakhumudwa nazo, ndi kuonongeka nayo mphulupulu.

Ezekieli 21:23

Ndipo kudzakhala ngati kuombeza konyenga pamaso pa iwo amene anawalumbirira malumbiro; koma akumbutsa mphulupulu kuti akodwe.

Ezekieli 33:11

Uziti nao, Pali Ine, ati Ambuye Yehova, sindikondwera nayo imfa ya woipa, koma kuti woipa aleke njira yake, nakhale ndi moyo; bwererani, bwererani, kuleka njira zanu zoipa, muferenji inu nyumba ya Israele?

Mateyu 3:10

Ndiponso tsopano lino nkhwangwa yaikidwa pa mizu ya mitengo: chifukwa chake mtengo uliwonse wosabala zipatso zabwino udulidwa nuponyedwa pamoto.

Machitidwe a Atumwi 3:19

Chifukwa chake lapani, bwererani kuti afafanizidwe machimo anu, kotero kuti zidze nyengo zakutsitsimutsa zochokera kunkhope ya Ambuye;

Deuteronomo 32:41

ndikanola lupanga langa lonyezimira, ndi dzanja langa likagwira chiweruzo; ndidzabwezera chilango ondiukira, ndi kulanga ondida.