Masalimo 119:1 - Buku Lopatulika

Odala angwiro m'mayendedwe ao, akuyenda m'chilamulo cha Yehova.

Chichewa Buku Lopatulika Bible 2014

Odala angwiro m'mayendedwe ao, akuyenda m'chilamulo cha Yehova.

Buku Loyera Catholic Edition - Chichewa

Ngodala amene moyo wao ulibe choŵadzudzulira, amene amayenda motsata malamulo a Chauta.

Mawu a Mulungu mu Chichewa Chalero

Odala ndi amene moyo wawo ulibe cholakwa, amene amayenda monga mwa malamulo a Yehova.

Masalimo 119:1 Mawu Ofanana

2 Samueli 22:22

Pakuti ndinasunga njira za Yehova, osapatukira ku zoipa kusiya Mulungu wanga.

2 Mafumu 20:3

Mukumbukire Yehova kuti ndinayendabe pamaso panu m'choonadi, ndi mtima wangwiro, ndi kuchita zokoma m'kuona kwanu. Nalira Hezekiya kulira kwakukulu.

Yobu 1:1

Panali munthu m'dziko la Uzi, dzina lake ndiye Yobu; ndipo munthuyu anali wangwiro ndi woongoka, wakuopa Mulungu ndi kupewa zoipa.

Yobu 1:8

Ndipo Yehova anati kwa Satana, Kodi waonerera mtumiki wanga Yobu? Pakuti palibe wina wonga iye m'dzikomo, munthu wangwiro ndi woongoka, wakuopa Mulungu ndi kupewa zoipa.

Masalimo 101:2

Ndidzachita mwanzeru m'njira yangwiro; mudzandidzera liti? Ndidzayenda m'nyumba mwanu ndi mtima wangwiro.

Masalimo 101:6

Maso anga ayang'ana okhulupirika m'dziko, kuti akhale ndi Ine; iye amene ayenda m'njira yangwiro, iyeyu adzanditumikira Ine.

Masalimo 112:1

Aleluya. Wodala munthu wakuopa Yehova, wakukondwera kwambiri ndi malamulo ake.

Masalimo 128:1

Wodala yense wakuopa Yehova, wakuyenda m'njira zake.

Miyambo 11:20

Okhota mtima anyansa Yehova; koma angwiro m'njira zao amsekeretsa.

Miyambo 13:6

Chilungamo chitchinjiriza woongoka m'njira; koma udyo ugwetsa wochimwa.

Miyambo 29:18

Popanda chivumbulutso anthu amasauka; koma wosunga chilamulo adalitsika.

Ezekieli 11:20

kuti ayende m'malemba anga, ndi kusunga maweruzo anga, ndi kuwachita; ndipo adzakhala anthu anga, ndi Ine ndidzakhala Mulungu wao.

Hoseya 14:9

Wanzeru ndani, kuti azindikire izi? Waluntha, kuti adziwe izi? Pakuti njira za Yehova zili zoongoka; ndipo olungama adzayendamo, koma olakwa adzagwamo.

Luka 1:6

Ndipo onse awiri anali olungama mtima pamaso pa Mulungu, namayendabe m'malamulo onse ndi zoikika za Ambuye osachimwa.

Luka 11:28

Koma Iye anati, Inde, koma odala iwo akumva mau a Mulungu, nawasunga.

Yohane 1:47

Yesu anaona Natanaele alinkudza kwa Iye, nanena za iye, Onani, Mwisraele ndithu, mwa iye mulibe chinyengo!

Yohane 13:17

Ngati mudziwa izi, odala inu ngati muzichita.

Machitidwe a Atumwi 24:16

M'menemonso ndidziyesera ndekha ndikhale nacho nthawi zonse chikumbumtima chosanditsutsa cha kwa Mulungu ndi kwa anthu.

2 Akorinto 1:12

Pakuti kudzitamandira kwathu ndiko umboni wa chikumbumtima chathu, kuti m'chiyero ndi kuona mtima kwa Mulungu, si m'nzeru ya thupi, koma m'chisomo cha Mulungu tinadzisunga m'dziko lapansi, koma koposa kwa inu.

Yakobo 1:25

Koma iye wakupenyerera m'lamulo langwiro, ndilo laufulu, natero chipenyerere, ameneyo, posakhala wakumva wakuiwala, komatu wakuchita ntchito, adzakhala wodala m'kuchita kwake.

Chivumbulutso 22:14

Odala iwo amene atsuka miinjiro yao, kuti akakhale nao ulamuliro pa mtengo wa moyo, ndi kuti akalowe m'mzinda pazipata.