Masalimo 103:3 - Buku Lopatulika

Amene akhululukira mphulupulu zako zonse; nachiritsa nthenda zako zonse;

Chichewa Buku Lopatulika Bible 2014

Amene akhululukira mphulupulu zako zonse; nachiritsa nthenda zako zonse;

Buku Loyera Catholic Edition - Chichewa

Ndiye amene amakhululukira machimo ako onse, ndi kuchiritsa matenda ako onse.

Mawu a Mulungu mu Chichewa Chalero

Amene amakhululuka machimo ako onse ndi kuchiritsa nthenda zako zonse,

Masalimo 103:3 Mawu Ofanana

2 Samueli 12:13

Ndipo Davide anati kwa Natani, Ndinachimwira Yehova. Natani nati kwa Davide, Ndiponso Yehova wachotsa tchimo lanu, simudzafa.

Masalimo 130:4

Koma kwa Inu kuli chikhululukiro, kuti akuopeni.

Masalimo 130:8

Ndipo adzaombola Israele ku mphulupulu zake zonse.

Masalimo 147:3

Achiritsa osweka mtima, namanga mabala ao.

Masalimo 30:2

Yehova, Mulungu wanga, ndinafuulira kwa Inu, ndipo munandichiritsa.

Masalimo 41:8

Chamgwera chinthu choopsa, ati; popeza ali gonire sadzaukanso.

Masalimo 86:5

Pakuti Inu, Ambuye, ndinu wabwino, ndi wokhululukira, ndi wa chifundo chochulukira onse akuitana Inu.

Eksodo 15:26

ndipo anati, Ngati udzamveratu mau a Yehova, Mulungu wako, ndi kuchita zoona pamaso pake, ndi kutchera khutu pa malamulo ake, ndi kusunga malemba ake onse, za nthenda zonse ndinaziika pa Aejipito sindidzaziika pa iwe nnena imodzi; pakuti Ine Yehova ndine wakuchiritsa iwe.

Eksodo 34:7

wakusungira anthu osawerengeka chifundo, wakukhululukira mphulupulu ndi kulakwa ndi kuchimwa; koma wosamasula wopalamula; wakulanga ana ndi zidzukulu chifukwa cha mphulupulu ya atate ao, kufikira mbadwo wachitatu ndi wachinai.

Yesaya 33:24

Ndipo wokhalamo sadzanena, Ine ndidwala; anthu okhala m'menemo, adzakhululukidwa mphulupulu zao.

Yesaya 38:17

Taonani, ndinali ndi zowawa zazikulu, chifukwa cha mtendere wanga; Koma Inu mokonda moyo wanga, munaupulumutsa m'dzanja la chivundi, Pakuti mwaponya m'mbuyo mwanu machimo anga onse.

Yesaya 43:25

Ine, Inedi, ndine amene ndifafaniza zolakwa zako, chifukwa cha Ine mwini; ndipo Ine sindidzakumbukira machimo ako.

Yesaya 53:5

Koma Iye analasidwa chifukwa cha zolakwa zathu, natundudzidwa chifukwa cha mphulupulu zathu; chilango chotitengera ife mtendere chinamgwera Iye; ndipo ndi mikwingwirima yake ife tachiritsidwa.

Yeremiya 17:14

Mundichiritse ine, Yehova, ndipo ndidzachiritsidwa; mundipulumutse ine, ndipo ndidzapulumutsidwa; pakuti chilemekezo changa ndinu.

Numeri 12:13

Ndipo Mose anafuulira kwa Yehova, ndi kuti, Mchiritsenitu, Mulungu.

Marko 2:5

Ndipo Yesu pakuona chikhulupiriro chao ananena ndi wodwala manjenje, Mwana, machimo ako akhululukidwa.

Aefeso 1:7

Tili ndi maomboledwe mwa mwazi wake, chikhululukiro cha zochimwa, monga mwa kulemera kwa chisomo chake,

Yakobo 5:15

ndipo pemphero la chikhulupiriro lidzapulumutsa wodwalayo, ndipo Ambuye adzamuukitsa; ndipo ngati adachita machimo adzakhululukidwa kwa iye.