Genesis 37:18 - Buku Lopatulika

Ndipo iwo anamuona iye ali patali, ndipo asanayandikire pafupi ndi iwo, anampangira iye chiwembu kuti amuphe.

Chichewa Buku Lopatulika Bible 2014

Ndipo iwo anamuona iye ali patali, ndipo asanayandikire pafupi ndi iwo, anampangira iye chiwembu kuti amuphe.

Buku Loyera Catholic Edition - Chichewa

Abale ake aja adamuwonera kutali, iye asanayandikire nkomwe pamene panali iwopo. Adayamba kumpangira chiwembu natsimikiza zoti amuphe.

Mawu a Mulungu mu Chichewa Chalero

Abale ake aja anamuonera patali. Ndipo asanafike nʼkomwe kumene kunali iwo kuja, anayamba kale kumupangira chiwembu choti amuphe.

Genesis 37:18 Mawu Ofanana

Genesis 27:41

Ndipo Esau anamuda Yakobo chifukwa cha mdalitso umene atate wake anamdalitsa nao: ndipo Esau anati m'mtima mwake, Masiku a maliro a atate wanga ayandikira; pamenepo ndipo ndidzamupha mphwanga Yakobo.

Genesis 37:19

Ndipo anati wina ndi mnzake, Taonani, alinkudza mwini maloto uja.

Genesis 50:15

Ndipo pamene abale ake a Yosefe anaona kuti atate wao anafa, anati, Kapena Yosefe adzatida ife, ndipo adzatibwezera ife zoipa zonse tidamchitira iye.

Genesis 50:20

Koma inu, munandipangira ine choipa; koma Mulungu anachipangira chabwino, kuti kuchitike monga lero, kupulumutsa amoyo anthu ambiri.

Masalimo 105:25

Anasanduliza mitima yao, kuti adane nao anthu ake, kuti achite monyenga ndi atumiki ake.

Masalimo 109:4

M'malo mwa chikondi changa andibwezera udani; koma ine, kupemphera ndiko.

Masalimo 31:13

Pakuti ndamva ugogodi wa ambiri, mantha andizinga. Pondipangira chiwembu, anatsimikiza mtima kulanda moyo wanga.

Masalimo 31:14

Koma ine ndakhulupirira Inu, Yehova, ndinati, Inu ndinu Mulungu wanga.

Masalimo 37:12

Woipa apangira chiwembu wolungama, namkukutira mano.

Masalimo 37:32

Woipa aunguza wolungama, nafuna kumupha.

Masalimo 94:21

Asonkhana pamodzi pa moyo wa wolungama, namtsutsa wa mwazi wosachimwa.

Mateyu 21:38

Koma olimawo m'mene anaona mwanayo, ananena wina ndi mnzake, Uyo ndiye wolowa; tiyeni, timuphe, ndipo ife tidzatenga cholowa chake.

Mateyu 27:1

Ndipo pakudza mamawa, ansembe aakulu ndi akulu a anthu onse anakhala upo wakumchitira Yesu, kuti amuphe;

Marko 12:7

Koma olima ajawo, ananena mwa iwo okha, Ameneyu ndiye wolowa nyumba; tiyeni timuphe iye, ndipo mundawu udzakhala wathu.

Marko 14:1

Ndipo popita masiku awiri kuli phwando la Paska ndi Mkate wopanda chotupitsa; ndipo ansembe aakulu ndi alembi anafunafuna momchitira chiwembu, ndi kumupha:

Yohane 11:53

Chifukwa chake, kuyambira tsiku lomwelo anapangana kuti amuphe Iye.

Machitidwe a Atumwi 23:12

Ndipo kutacha, Ayuda anapangana chiwembu, nadzitemberera, ndi kunena kuti sadzadya kapena kumwa kanthu, kufikira atamupha Paulo;

1 Samueli 19:1

Ndipo Saulo analankhula kwa Yonatani mwana wake, ndi anyamata ake onse kuti amuphe Davide.