Akolose 3:20 - Buku Lopatulika

Ana inu, mverani akubala inu m'zonse, pakuti ichi Ambuye akondwera nacho.

Chichewa Buku Lopatulika Bible 2014

Ana inu, mverani akubala inu m'zonse, pakuti ichi Ambuye akondwera nacho.

Buku Loyera Catholic Edition - Chichewa

Inu ana, muzimvera anakubala anu pa zonse, pakuti kutero kumakondwetsa Ambuye.

Mawu a Mulungu mu Chichewa Chalero

Inu ana, mverani makolo anu mu zonse pakuti izi zimakondweretsa Ambuye.

Akolose 3:20 Mawu Ofanana

Genesis 28:7

ndiponso kuti Yakobo anamvera atate wake ndi amake, nanka ku Padanaramu;

Eksodo 20:12

Uzilemekeza atate wako ndi amai ako; kuti achuluke masiku ako m'dziko limene Yehova Mulungu wako akupatsa iwe.

Miyambo 20:20

Wotemberera atate wake ndi amake, nyali yake idzazima mu mdima woti bii.

Miyambo 30:11

Pali mbadwo wotemberera atate ao, osadalitsa amai ao.

Miyambo 30:17

Diso lochitira atate wake chiphwete, ndi kunyoza kumvera amake, makwangwala a kumtsinje adzalikolowola, ana a mphungu adzalidya.

Miyambo 6:20

Mwananga, sunga malangizo a atate wako, usasiye malamulo a mai ako;

Yeremiya 35:8

Ndipo ife tamva mau a Yonadabu mwana wa Rekabu kholo lathu m'zonse zimene anatiuza ife, zakuti tisamwe vinyo masiku athu onse, ife, akazi athu, ana athu aamuna ndi aakazi;

Ezekieli 22:7

Mwa iwe anapepula atate ndi mai, pakati pa iwe anamchitira mlendo momzunza, mwa iwe anazunza ana amasiye, ndi mkazi wamasiye.

Levitiko 19:3

Aliyense aope mai wake, ndi atate wake; nimusunge masabata anga; Ine ndine Yehova Mulungu wanu.

Malaki 1:6

Mwana alemekeza atate wake, ndi mnyamata mbuye wake; ngati Ine tsono ndine atate, uli kuti ulemu wanga? Ngati Ine ndine mbuye, kundiopa kuli kuti? Ati Yehova wa makamu kwa inu ansembe akupeputsa dzina langa. Ndipo mukuti, Tapeputsa dzina lanu motani?

Mateyu 19:19

Lemekeza atate wako ndi amai ako, ndipo, Uzikonda mnzako monga udzikonda iwe mwini.

Aefeso 5:24

Komatu monga Mpingo amvera Khristu, koteronso akazi amvere amuna ao m'zinthu zonse.

Deuteronomo 27:16

Wotembereredwa iye wakupeputsa atate wake kapena mai wake. Ndi anthu onse anene, Amen.

Deuteronomo 5:16

Lemekeza atate wako ndi amai ako, monga Yehova Mulungu wako anakulamulira; kuti masiku ako achuluke, ndi kuti chikukomere, m'dziko limene Yehova Mulungu wako akupatsa iwe.

Afilipi 4:18

Koma ndili nazo zonse, ndipo ndisefukira; ndadzazidwa, popeza ndalandira kwa Epafrodito zija zidachokera kwanu, mnunkho wa fungo labwino, nsembe yolandirika, yokondweretsa Mulungu.

Akolose 1:10

kuti mukayenda koyenera Ambuye kukamkondweretsa monsemo, ndi kubala zipatso mu ntchito yonse yabwino, ndi kukula m'chizindikiritso cha Mulungu;

Akolose 3:22

Akapolo inu, mverani m'zonse iwo amene ali ambuye monga mwa thupi, wosati ukapolo wa pamaso, monga okondweretsa anthu, komatu ndi mtima wakulinga kumodzi, akuopa Ambuye;

Tito 2:9

Akapolo amvere ambuye ao a iwo okha, nawakondweretse m'zonse; osakana mau ao;

Ahebri 13:21

akuyeseni inu opanda chilema m'chinthu chilichonse chabwino, kuti muchite chifuniro chake; ndi kuchita mwa ife chomkondweretsa pamaso pake, mwa Yesu Khristu; kwa Iyeyu ukhale ulemerero kunthawi za nthawi. Amen.

Rute 3:5

Ndipo ananena naye, Zonse muzinena ndidzachita.