ဧ​သ​တာ 10 - မြန်​​​မာ့​​​စံ​​​မီ​​​သမ္မာ​​​ကျမ်း​​

မော်ဒကဲ၏ထင်ပေါ်ကျော်ကြားမှု

¹ ထို့နောက် အာရွှေရု​မင်းကြီး​သည် ပြည်​တော်​တစ်ခွင် ပင်လယ်​ကမ်းရိုးတန်းဒေသ​များ​ပါမကျန် အခွန်​စည်းကြပ်​လေ​၏​။

² ဘုရင်​၏​စွမ်းဆောင်ရည်​နှင့် တန်ခိုးသြဇာ​ကြီးမားပုံ​၊ ရှင်ဘုရင်​ချီးမြှောက်​သဖြင့် မော်ဒကဲ​ဘုန်းတန်ခိုး​ကြီးမားပုံ​တို့​ကို မေဒိ​နှင့်​ပါးရှား​ရှင်ဘုရင်​တို့​၏​ရာဇဝင်မှတ်တမ်း​စာလိပ်​၌ မှတ်တမ်း​တင်​ထား​၏​။

³ စင်စစ် ဂျူး​လူမျိုး​မော်ဒကဲ​သည် အာရွှေရု​မင်းကြီး​ပြီးလျှင် ရာထူး​အကြီးဆုံး​ဖြစ်​၏​။ သူ​သည် ကိုယ့်​အမျိုးအနွယ်​အပေါင်း​တို့​အား မေတ္တာစကား​ကို​သာ​ပြောဆို​တတ်​ပြီး ကိုယ့်​လူမျိုး​ကောင်းကျိုး​ကို ရှာကြံ​တတ်​သူ​ဖြစ်​သဖြင့် ဂျူး​လူမျိုး​တို့​ထဲတွင် ကြီးမြတ်​သော​ပုဂ္ဂိုလ်​ဖြစ်​၏​။ ဆွေမျိုးသားချင်း​တို့​၏​ချစ်မြတ်နိုး​မှု​ကို ရရှိ​သူ​လည်း ဖြစ်​၏​။