ယောဘဝတ္တု။ 25 - မြန်​​​မာ့​​​စံ​​​မီ​​​သမ္မာ​​​ကျမ်း​​

ဗိလဒဒ် ပြောသောစကား

¹ ထိုအခါ ရှုအာ​အမျိုးသား ဗိလဒဒ်​က

² “​အထက်ကောင်းကင်ဘုံ​၌ ငြိမ်သက်​ခြင်း​ကို ရှိ​စေ​တော်မူ​သော​အရှင်​သည် အုပ်စိုး​ခြင်း​အရှင်​၊ ကြောက်ရွံ့ရိုသေဖွယ်​အရှင် ဖြစ်​တော်မူ​၏​။

³ ကိုယ်တော်​၏​စစ်သည်​တော်​များ​ကို ရေတွက်​နိုင်​သလော​။ ကိုယ်တော့်​ထံမှ​အလင်း​တော်​ကို မ​ခံယူ​ရ​သူ ရှိ​သလော​။

⁴ လူ​သည် ဘုရားသခင်​ရှေ့​တွင် မည်သို့​ဖြောင့်မတ်​နိုင်​မည်နည်း​။ မိန်းမ​မှ​မွေး​သော​လူ​သည် မည်သို့​သန့်ရှင်းစင်ကြယ်​နိုင်​မည်နည်း​။

⁵ ကိုယ်တော့်​ရှေ့​တွင် လ​သည်​ပင် တောက်ပ​သည်​မ​ဟုတ်​။ ကြယ်​များ​လည်း စင်ကြယ်​သည်​မ​ဟုတ်​။

⁶ သို့ဖြစ်၍ လောက်ကောင်​၊ ပိုးကောင်​နှင့်တူသော​လူသား​မှာ အဘယ်​ဆိုဖွယ်​ရှိ​သနည်း”​ဟု ဆို​လေ​၏​။