Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -

ဆာ​လံ 99 - မြန်​​​မာ့​​​စံ​​​မီ​​​သမ္မာ​​​ကျမ်း​​


သန့်ရှင်းသောဘုရင်

1 ထာဝရဘုရား​သည် စိုးစံ​တော်မူ​၏​။ လူမျိုးတကာ​တို့​သည် ထိတ်လန့်တုန်လှုပ်​ကြ​ပါစေ​။ ကိုယ်တော်​သည် ခေရုဗိမ်​တို့​အထက်​၌ စံပယ်​တော်မူ​၏​။ မြေကြီး​သည် လှုပ်ခါ​ပါစေ​။

2 ထာဝရဘုရား​သည် ဇိအုန်​၌​ကြီးမြတ်​တော်မူ​၏​။ ကိုယ်တော်​သည် လူမျိုး​အပေါင်း​တို့​အထက်၌ ချီးမြှောက်​ခြင်း​ရှိ​တော်မူ​၏​။

3 ကြီးမြတ်​၍ အံ့ဩ​ဖွယ်​ကောင်း​သော ကိုယ်တော်​၏​နာမ​တော်​ကို သူ​တို့​ချီးမွမ်း​ကြ​ပါစေ​။ ကိုယ်တော်​သည် သန့်ရှင်း​တော်မူ​၏​။

4 တန်ခိုးကြီး​သော​ရှင်ဘုရင်​သည် တရားမျှတ​ခြင်း​ကို နှစ်သက်​တော်မူ​၏​။ ကိုယ်တော်​သည် သမာသမတ်​ရှိ​ခြင်း​ကို တည်မြဲ​စေ​တော်မူ​၏​။ ယာကုပ်​အမျိုး​ထဲတွင် တရားမျှတ​ခြင်း​နှင့်​ဖြောင့်မတ်​ခြင်း​ကို စီရင်​တော်မူ​၏​။

5 ငါ​တို့​၏​ဘုရားသခင် ထာဝရဘုရား​ကို ချီးမြှောက်​ကြ​လော့​။ ကိုယ်တော်​၏​ခြေတင်ခုံ​ရှေ့​၌ ပျပ်ဝပ်​ကြ​လော့​။ ကိုယ်တော်​သည် သန့်ရှင်း​တော်မူ​၏​။

6 ကိုယ်တော်​၏​ယဇ်ပုရောဟိတ်​များ​ထဲတွင် မောရှေ​နှင့်​အာရုန်​တို့​ပါ​၍ ကိုယ်တော်​၏​နာမ​တော်​ကို​ခေါ်​သော​သူ​တို့​တွင် ရှမွေလ ပါ​၏​။ သူ​တို့​သည် ထာဝရဘုရား​ကို​ခေါ်​၍ ကိုယ်တော်​သည် သူ​တို့​ကို ထူး​တော်မူ​၏​။

7 ကိုယ်တော်​သည် သူ​တို့​ကို မိုးတိမ်​တိုင်​ထဲမှ မြွက်ဆို​တော်မူ​၏​။ သူ​တို့​သည် ကိုယ်တော်​၏ သက်သေခံချက်​များ​ကို​လည်းကောင်း​၊ သူ​တို့​အား ကိုယ်တော်​ပေး​တော်မူ​သော ပြဋ္ဌာန်းချက်​ကို​လည်းကောင်း စောင့်ထိန်း​ကြ​၏​။

8 အကျွန်ုပ်​တို့​၏​ဘုရားသခင် ထာဝရဘုရား​၊ ကိုယ်တော်​သည် သူ​တို့​ကို ထူး​တော်မူ​၏​။ ကိုယ်တော်​သည် သူ​တို့​ပြု​သော​မကောင်းမှု​များ​အတွက် အပြစ်ပေး​သော်လည်း သူ​တို့​ကို ခွင့်လွှတ်​သော ဘုရားသခင်​ဖြစ်​တော်မူ​၏​။

9 ငါ​တို့​၏​ဘုရားသခင် ထာဝရဘုရား​ကို ချီးမြှောက်​ကြ​လော့​။ ကိုယ်တော်​၏​သန့်ရှင်း​သော​တောင်​တော်​၌ ရှိခိုးကိုးကွယ်​ကြ​လော့​။ အကြောင်းမူကား ငါ​တို့​၏​ဘုရားသခင် ထာဝရဘုရား​သည် သန့်ရှင်း​တော်မူ​၏​။

MYANMAR STANDARD BIBLE©

Copyright © 2012, 2014, 2017, 2021 by Global Bible Initiative

Global Bible Initiative
ကြှနျုပျတို့နောကျလိုကျပါ:



ကြော်ငြာတွေ