ဆာ​လံ 67 - မြန်​​​မာ့​​​စံ​​​မီ​​​သမ္မာ​​​ကျမ်း​​

လူမျိုးအပေါင်းတို့သည် ဘုရားသခင်ကို ချီးမွမ်းမည်

ဂီတမှူး​အတွက်​၊ ကြိုးတပ်​တူရိယာ​များ​ဖြင့်​၊ ဆာလံ​သီချင်း

¹ ဘုရားသခင်​သည် ငါ​တို့​ကို​သနား​၍ ကောင်းချီးပေး​တော်မူ​ပါစေသော​။ ကိုယ်တော်​၏​မျက်နှာ​တော်​အလင်း​သည် ငါ​တို့​အပေါ် ထွန်းလင်း​တော်မူ​ပါစေသော​။(​စေလာ)

² ထိုသို့​သော​အားဖြင့် ကိုယ်တော်​၏​လမ်း​သည် မြေကြီး​ပေါ်၌​လည်းကောင်း​၊ ကိုယ်တော်​၏​ကယ်တင်​ခြင်း​သည် လူမျိုး​အပေါင်း​တို့​အလယ်​၌​လည်းကောင်း ထင်ရှား​ပါစေသော​။

³ အို ဘုရားသခင်​၊ လူ​တို့​သည် ကိုယ်တော်​ကို​ချီးမွမ်း​ကြ​ပါစေသော​။ လူ​အပေါင်း​တို့​သည် ကိုယ်တော်​ကို​ချီးမွမ်း​ကြ​ပါစေသော​။

⁴ လူမျိုး​တို့​သည် ဝမ်းမြောက်​၍ ရွှင်လန်း​စွာ​သီချင်းဆို​ကြ​ပါစေသော​။ အကြောင်းမူကား ကိုယ်တော်​သည် လူ​တို့​ကို မျှတစွာ​တရားစီရင်​၍ ကမ္ဘာမြေကြီး​ပေါ်ရှိ​လူမျိုး​တို့​ကို ဦးဆောင်​လမ်းပြ​တော်မူ​၏​။(​စေလာ)

⁵ အို ဘုရားသခင်​၊ လူ​တို့​သည် ကိုယ်တော်​ကို​ချီးမွမ်း​ကြ​ပါစေသော​။ လူ​အပေါင်း​တို့​သည် ကိုယ်တော်​ကို​ချီးမွမ်း​ကြ​ပါစေသော​။

⁶ မြေကြီး​သည် မိမိ​၏​အသီးအနှံ​တို့​ကို​ဖြစ်ထွန်း​စေ​ပြီ​။ ဘုရားသခင်​တည်းဟူသော ငါ​တို့​၏​ဘုရားသခင်​သည် ငါ​တို့​ကို​ကောင်းချီးပေး​တော်မူ​လိမ့်မည်​။

⁷ ဘုရားသခင်​သည် ငါ​တို့​ကို​ကောင်းချီးပေး​တော်မူ​မည်​ဖြစ်၍ ကမ္ဘာမြေ​အစွန်း​ရှိသမျှ​တို့​သည် ကိုယ်တော်​ကို​ကြောက်ရွံ့​ကြ​လိမ့်မည်​။