Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -

ဆာ​လံ 135 - မြန်​​​မာ့​​​စံ​​​မီ​​​သမ္မာ​​​ကျမ်း​​


ကြီးမြတ်တော်မူသောထာဝရဘုရား

1 ဟာလေလုယ​။ ထာဝရဘုရား​၏​နာမ​တော်​ကို ချီးမွမ်း​ကြ​လော့​။ ထာဝရဘုရား​၏​အစေအပါး​တို့​၊

2 ထာဝရဘုရား​၏​အိမ်​တော်​၌​လည်းကောင်း​၊ ငါ​တို့​ဘုရားသခင်​၏​အိမ်​တော်​တံတိုင်း​၌​လည်းကောင်း အမှုထမ်း​ကြ​သော ထာဝရဘုရား​၏​အစေအပါး​တို့​၊ ကိုယ်တော်​ကို​ချီးမွမ်း​ကြ​လော့​။

3 ထာဝရဘုရား​သည် ကောင်းမြတ်​တော်မူ​သည်​ဖြစ်၍ ထာဝရဘုရား​ကို ချီးမွမ်း​ကြ​လော့​။ ကိုယ်တော်​၏​နာမ​တော်​ကို သီဆိုချီးမွမ်း​ကြ​လော့​။ အကြောင်းမူကား ထိုသို့​ပြု​ခြင်း​သည် နှစ်လို​ဖွယ်​ကောင်း​၏​။

4 အကယ်စင်စစ် ထာဝရဘုရား​သည် ယာကုပ်​ကို မိမိ​အတွက်​လည်းကောင်း​၊ အစ္စရေး​ကို မိမိ​၏​ဘဏ္ဍာ​အဖြစ်​လည်းကောင်း ရွေးချယ်​တော်မူ​၏​။

5 အကြောင်းမူကား ထာဝရဘုရား​သည် ကြီးမြတ်​တော်မူ​ကြောင်း​၊ ငါ​တို့​၏​အရှင်​သည် ဘုရား​တကာ​တို့​ထက် မြင့်မြတ်​တော်မူ​ကြောင်း​ကို ငါ​သိ​၏​။

6 ထာဝရဘုရား​သည် ကောင်းကင်​နှင့်​မြေကြီး​ပေါ်၌​လည်းကောင်း​၊ ပင်လယ်​နှင့်​နက်ရှိုင်း​ရာ​အရပ်​ရှိသမျှ​တို့​၌​လည်းကောင်း အလို​တော်​ရှိ​သော​အရာ​အားလုံး​ကို ပြု​တော်မူ​၏​။

7 ကိုယ်တော်​သည် မိုးတိမ်​များ​ကို ကမ္ဘာမြေကြီး​အစွန်း​မှ​တက်လာ​စေ​၍ မိုး​နှင့်အတူ​လျှပ်စီး​များ​ကို​ဖြစ်ပေါ်​စေ​ကာ လေ​ကို မိမိ​၏​သိုလှောင်​တိုက်​မှ ထုတ်ဆောင်​တော်မူ​၏​။

8 ကိုယ်တော်​သည် အီဂျစ်​ပြည်​တွင် လူ​မှစ၍​တိရစ္ဆာန်​တိုင်အောင် သားဦး​ရှိသမျှ​တို့​ကို ဒဏ်ခတ်​တော်မူ​၏​။

9 အို အီဂျစ်​ပြည်​၊ ကိုယ်တော်​သည် နိမိတ်လက္ခဏာ​များ​နှင့်​တန်ခိုးလက္ခဏာ​တို့​ကို သင်​၏​အလယ်​၊ ဖာရော​မင်းကြီး​နှင့်​သူ​၏​အမှုထမ်း​အပေါင်း​တို့​အပေါ် ကျရောက်​စေ​တော်မူ​၏​။

10 ကိုယ်တော်​သည် များစွာ​သော​လူမျိုး​ကို ဒဏ်ခတ်​လျက် အင်အားကြီး​သော​ရှင်ဘုရင်​တို့​ကို ကွပ်မျက်​တော်မူ​၏​။

11 ၎င်း​တို့​တွင် အာမောရိ​ဘုရင် ရှိဟုန်​၊ ဗာရှန်​ဘုရင် ဩဃ​နှင့် ခါနာန်​တိုင်းနိုင်ငံ​အပေါင်း​တို့​ပါ​၏​။

12 ထို့နောက် ထို​သူ​တို့​၏​ပြည်​ကို အမွေ​အဖြစ်​၊ မိမိ​၏​လူမျိုး​တော်​အစ္စရေး​အတွက် အမွေ​အဖြစ်​ပေး​တော်မူ​၏​။

13 အို ထာဝရဘုရား​၊ ကိုယ်တော်​၏​နာမ​တော်​သည် အစဉ်အမြဲ​တည်​ပါ​၏​။ အို ထာဝရဘုရား​၊ ကိုယ်တော်​၏​ဂုဏ်​သတင်း​သည် မျိုးဆက်​အစဉ်အဆက်​တည်​ပါ​၏​။

14 အကြောင်းမူကား ထာဝရဘုရား​သည် မိမိ​၏​လူမျိုး​တော်​ကို​စစ်ကြောစီရင်​၍ မိမိ​၏​အစေအပါး​တို့​အပေါ် သနား​ကရုဏာ​ထား​တော်မူ​၏​။

15 လူမျိုးခြား​တို့​၏​ရုပ်တု​များ​သည် ရွှေ​ငွေ​များ​ဖြစ်​ကြ​၏​။ လူ့​လက်​ဖြင့်​ပြုလုပ်​သော​အရာ​များ​ဖြစ်​ကြ​၏​။

16 ၎င်း​တို့​သည် နှုတ်​ရှိ​သော်လည်း စကား​မ​ပြော​နိုင်​ကြ​။ မျက်စိ​ရှိ​သော်လည်း မ​မြင်​နိုင်​ကြ​။

17 နား​ရှိ​သော်လည်း မ​ကြား​နိုင်​ကြ​။ ၎င်း​တို့​၏​ပါးစပ်​၌​လည်း ထွက်သက်ဝင်သက်​မ​ရှိ​။

18 ၎င်း​တို့​ကို ပြုလုပ်​သော​သူ​နှင့် ယုံကြည်ကိုးစား​သော​သူ​အပေါင်း​တို့​သည် ၎င်း​တို့​ကဲ့သို့​ဖြစ်လာ​ကြ​လိမ့်မည်​။

19 အို အစ္စရေး​အမျိုးအနွယ်​တို့​၊ ထာဝရဘုရား​ကို ကောင်းချီးထောမနာ​ပြု​ကြ​လော့​။ အို အာရုန်​၏​အမျိုးအနွယ်​တို့​၊ ထာဝရဘုရား​ကို ကောင်းချီးထောမနာ​ပြု​ကြ​လော့​။

20 အို လေဝိ​၏​အမျိုးအနွယ်​တို့​၊ ထာဝရဘုရား​ကို ကောင်းချီးထောမနာ​ပြု​ကြ​လော့​။ ထာဝရဘုရား​ကို ကြောက်ရွံ့​သော​သူ​တို့​၊ ထာဝရဘုရား​ကို ကောင်းချီးထောမနာ​ပြု​ကြ​လော့​။

21 ဂျေရုဆလင်​မြို့​တွင် ကိန်းဝပ်​တော်မူ​သော​ထာဝရဘုရား​သည် ဇိအုန်​၌ မင်္ဂလာရှိ​တော်မူ​၏​။ ဟာလေလုယ​။

MYANMAR STANDARD BIBLE©

Copyright © 2012, 2014, 2017, 2021 by Global Bible Initiative

Global Bible Initiative
ကြှနျုပျတို့နောကျလိုကျပါ:



ကြော်ငြာတွေ