ဆာ​လံ 133 - မြန်​​​မာ့​​​စံ​​​မီ​​​သမ္မာ​​​ကျမ်း​​

ညီညွတ်စွာ အတူတကွနေထိုင်ခြင်း

ဒါဝိဒ်​၏​အတက်လမ်း​သီချင်း

¹ ကြည့်ရှု​လော့​။ ညီအစ်ကို​တို့​သည် ညီညွတ်​စွာ​အတူတကွ နေထိုင်​ကြ​သည်​မှာ အလွန်​ကောင်းမြတ်​၍ အလွန်​နှစ်သက်​ကြည်နူး​ဖွယ်​ဖြစ်​၏​။

² ခေါင်း​ပေါ်၌​သွန်းလောင်း​၍ မုတ်ဆိတ်​သို့​စီးဆင်း​သော​ဆီ​တည်းဟူသော အာရုန်​၏​မုတ်ဆိတ်​မှသည် သူ​၏​ဝတ်ရုံ​လည်ခွံ​တိုင်အောင်​စီးဆင်း​သည့် အဖိုးတန်​သော​ဆီ​ကဲ့သို့​ဖြစ်​၏​။

³ ဇိအုန်​တောင်​များ​ပေါ်သို့​ကျ​သည့် ဟေရမုန်​တောင်​၏​နှင်းစက်​ကဲ့သို့​လည်း​ဖြစ်​၏​။ အကြောင်းမူကား ထိုသို့​နေထိုင်​ကြ​သော​အရပ်​၌ အစဉ်အမြဲ​အသက်ရှင်​ခြင်း​တည်းဟူသော ကောင်းချီးမင်္ဂလာ​ကို ထာဝရဘုရား​အပ်နှင်း​တော်မူ​၏​။