ဆာ​လံ 1 - မြန်​​​မာ့​​​စံ​​​မီ​​​သမ္မာ​​​ကျမ်း​​

အပိုင်း (၁) ဆာလံကျမ်း ၁-၄၁ လမ်းနှစ်သွယ်

¹ ဆိုးယုတ်​သော​သူ​တို့​၏​အကြံဉာဏ်​အတိုင်း မ​လိုက်​မ​လျှောက်​၊ အပြစ်သား​တို့​၏​လမ်း​တွင်​မ​ရပ်​မ​နေ​၊ ပြက်ရယ်​ပြု​တတ်​သော​သူ​တို့​စုဝေး​ရာ​အရပ်​၌​မ​ထိုင်​၊

² ထာဝရဘုရား​၏​တရားတော်​၌​မွေ့လျော်​၍ ထို​တရားတော်​ကို နေ့​ည​မပြတ် ဆင်ခြင်အောက်မေ့​သော​သူ​သည် မင်္ဂလာ​ရှိ​၏​။

³ ထို​သူ​ကား ရေစီး​သော​ချောင်း​နားမှာ စိုက်​ထား​၍ မိမိ​အချိန်တန်​သောအခါ​အသီး​သီး​ပြီး အရွက်​မ​ညှိုးနွမ်း​တတ်​သော​အပင်​နှင့်​တူ​၏​။ ပြု​လေသမျှ​တို့​၌​အောင်မြင်​တတ်​၏​။

⁴ ဆိုးယုတ်​သော​သူ​တို့​မူကား ထိုကဲ့သို့​မ​ဟုတ်​။ လေတိုက်​၍ လွင့်သွား​သော​ဖွဲ​နှင့်​တူ​ကြ​၏​။

⁵ ထို့ကြောင့် ဆိုးယုတ်​သော​သူ​တို့​သည် တရားစီရင်​တော်မူ​ရာ​ကာလ​၌​လည်းကောင်း​၊ အပြစ်သား​တို့​သည် ဖြောင့်မတ်​သော​သူ​တို့​၏ အစုအဝေး​ထဲ၌​လည်းကောင်း ရပ်တည်​နိုင်​ကြ​မည်​မ​ဟုတ်​။

⁶ အကြောင်းမူကား ထာဝရဘုရား​သည် ဖြောင့်မတ်​သော​သူ​တို့​၏​လမ်း​ကို သိ​တော်မူ​၏​။ ဆိုးယုတ်​သော​သူ​တို့​၏​လမ်း​မူကား ပျက်စီး​သွား​လိမ့်မည်​။