Махьтвеест 8 - Махьтвеест Пась‐Евангели 1-22 1878

Кавцант алкхэш.

¹ Куэсь сон тіермест ниій; сонэ мильт пудій іеннэг олмнеттед.

² И кич, пудій проказеной олмунч, коммэрдэлый сонне и цилькій: Господи, го тон татних, оаях мунэ путтесмахтед.

³ Исус вуйкій кидес, кускый сонне, и цилькій: татам, путтесм. И сон вактиньне путтасьм проказэст.

⁴ И цялхк сонне Исус: кич, ни кіез іель сіельк; а мэнэ вузехт иджант пахпи, и путь лайх, кон пакай Моссей, сійе вусьхемушшен.

⁵ А куэсь мэный Исус Капернаума, сонне пудій чуэтсанч и анай сонст:

⁶ Господи! мунэ слушшей ляш куэдест луэштанч?-?кэбест, и кэрсинне мухцдат.

⁷ Исус цялхк сонне: мун поадам, тирвхадам сонэ.

⁸ А чуэтсанч вуэста сарнай, цилькій: Господи! Мун ым костманч тэн райя, што тон поадчых мунэ лагэ вуэлла; а ціельк эвт сане, то тирвхув мунэ слушшей.

⁹ Тэн мильт што мун лям и пакэлвэс; а анам салдхайт вуэлнан, и сарнам эхти: мэнэ, и сон вуэлк, нумпа: пуэде, и сон поатт; и иджант слушья: туешт тэн, и туяшт.

¹⁰ Го Исус тэн кулый, сонне вырій тиввен, и сон цилькій иджес мильт пуэдеійт: вуйкест сарнам тійе: ни Израилэст ым ковнманч мукка віерэ.

¹¹ Сарнам тійе: іеннег поат нурьтей горрен и уэрьем‐піельт и комлеб (туэль гурре) Абрамыйн, Исакыйн и Яхкыйн альм‐царствасьт;

¹² А царство альге линчен суэхпманч олкмус сіевньдессе; тампе лянч луэйхкмуш и панес‐гуэйм кацкмуш.

¹³ И цилькій Исус чуэтсинче: мэнэ, и, кохт тон віерьих, нит и тонне лянч. И сонэ слушшей тирвхувый тэнхананч вуэрест.

¹⁴ Пудій Исус Піедар пэрхте и уйній сонэ вуэн?-?нам ліешмен пулле‐кэбест.

¹⁵ И кускій сонэ китте, и пулле‐кэп кудій сонэ. И сон коццай и служій сійе.

¹⁶ А готь шэнтій іекнанч; сонне пуэхтиш іеннэг цуэрхтлинчед и сон вуехт вуйӈсійт соныйн, и тирвхэттій пукыйт кэблайт;

¹⁷ Што нит шэнтахч, кохт ляй сарнманч пайель пророк Исайя, ку сарн: сон вальтій иджес элэ минэ уэйнахтмужыйт, и кунтьгудій кэбыйт.

¹⁸ Готь уйній Исус пыр иджес іеннэг олмнеттед, пакай (уэпсувъійт) вуйед пайель нумпь пялла.

¹⁹ Танна эхт кирь‐кит пудій альтла и цилькій сонне: уэпсей! мун вуэлкам тонэ мильт, хош тон козэ мэнъних.

²⁰ И цялхк сонне Исус: рнмнійн ліеб вуэӈк и альм лоньтійн ліеб піесь; а олмо альгест ильлях козэ уэйвь никлахтед.

²¹ А нумпь сонэ уэпсувъійн цількій сонне: Господи! лушьт мунэ эвтель вулькед и рухкед иччан аджь.

²² А Исус сонне цилькій: пуэде мунэ мильт и куде ямьейт чиккед иджес ямьейт.

²³ И куэсь сон мэный вэнсе; сонэ мильт вулькин сонэ уэпсуввей.

²⁴ И кич, танна шэнтій шур шэӈ міересьт, нит што пайель вэннас мэннин нэмп; а сон удій.

²⁵ Танна сонэ уэпсуввей путтен сонне, цовьнин сонэ и цилхкин: Господи! піесьт миныйт, майкьеш?-?кудим.

²⁶ Сарн сон: мэйт тій мукка ліеппед пэлч, вань‐віерла? Теде раест сон коццай, кильтій пиӈкыйт и міерэ, и шэнтій шур куэльхк.

²⁷ А олмо тэвтушшин и цилхкин: кіе тэ‐лахте, го пиӈгэ и міер якхэллэб сонэ?

²⁸ И куэсь сон нумпь пялла пудій, Гергесин іемня; путтин сонне вуэста кухт цуэрьхтла, руфыйн лихтма, чевта кутькеш, нит што ій тустма таӈкь вар?-?дед ни кіе.

²⁹ И кич, сій кукхэлшкуттин: ми ли тонст туійт минэ варас, Исус, Иммель альк? Путтих тигэ эвтлест айкій мухцед миныйт.

³⁰ А синест кухкен пиньниш шаккед шур чуццо.

³¹ И цуэрьт аннун сонст: го тон вуехинчих миныйт, то вулгэхт миныйт шакь‐чуцья.

³² И сон цилькій сійе; мэннед. И сій лихтин и вулькин шакь‐чуцья. И кич, пук шакь‐чуэдзе суэхпьэдій пяцк‐саест міерре, и майкьин часса.

³³ А пиннее вичлин; и куэсь сій путтин ланна, сарнун пук туе и тэн лык, кохт цуэрхтлай туе шэнтій.

³⁴ И кич, пук лань видій вуэста Исусе; и готь уйнин сонэ, аннун, што сон вуэлкахч синэ іемнест паго.