Махьтвеест 7 - Махьтвеест Пась‐Евангели 1-22 1878

Киччант алкхэш.

¹ Іеллед суттед, и іеппед линче сутма.

² Тэн гуэйк што маньтем тій судыйн сутбэттед, тэйн судыйн и линчбэттед сутманч; и маньтем тій мирійн міерьдеппед, мукка мирійн и тійе міерьдешкуэдет.

³ И мыйт тон кичах оавса элэ, ку ли вильлянт чальмест, а омп мурэ иджант чальмест кулэ ык?

⁴ Или кохт цялках вильсант: орест, мун валдам оавса тонэ чальмест; а кич, тонэ чальмест ли омп мур?

⁵ Тон кухтланч! Вальт эвтлест омп мурэ иджант чальмест, и танна уйнах вальтед оавса вильлянт чальмест.

⁶ Іеллед энтлеккед пась‐еалайт піенгійт, и іеллед суэхпед иджант земчуг шегій эвте, што сій іеб топче тэйт юльгис‐гуэйм и маст махцлеммен іеб кышкнехче тиныйт.

⁷ Аннэд, и лянч тійе антанч; оццед, и ковнбеттед; такдэттед, то и авьдет тійе.

⁸ Тэн‐гуэйк што юкке аннэй валт, и оццэй кавн, и такдэтья авьдет.

⁹ Лійя тиный кэскест мукка олмунч, ку, куэсь сонэ альк анаст сонст лейпе, антахч сонне кіедге?

¹⁰ И куэсь ансахч куле, альтнахч сонне кувдэ?

¹¹ И нит, го тій, кук ліеппед пак, уэйбеттед аньтед парнаидант шиг антмужійт; тэйн іенамп ант тинэ альм‐ачь шикнійт тэйт, кок аннэб сонст.

¹² И нит, пукыйн, кохт тахтед што олмо еалъ?-?чин тиный‐гуэймъ, нит и тій іеллед синый‐гуэйм; тэн‐гуэйк што тэ‐лайне ліеб закон и пророк.

¹³ Мэннед тэккис увс мильт; тэн гуэйк што тэт укс ли шур и тэт чуэкас ли комтэг, ку вык майкем сайя, и іеннэг вардеб тэй мильт.

¹⁴ Тэн гуэйк што тэт укс ли тэккед и чуэкас ли кіеньц, кок выккеб іеллемсайя, и тед олмнеттед ій іеннэг ля, кок ковнеб тэйт.

¹⁵ Варьдуввед килесь‐пророкыйн, кок потлеб тійе лампас‐асгій‐гуэйм, а сисн сій ліеб кышкей чэлп.

¹⁶ Синэ шантай мильт титбеттед синыйт. Копчах тон, ык, вын‐мурьійт чохкэй‐мисткест или смоквайт паш?-?нэнтей разест?

¹⁷ Нит юкке шиг мур шэнтад шиг шантайт; а нюэзес мур и шэнтад нюэзес шантайт.

¹⁸ Ій уэй шиг мур пуэхтед нюэзес шантайт, и нюэзес мур пуэхтед шиг шантайт.

¹⁹ Юкке мур, ку ій путь шиг путтайт, радет и суэхпьет толле.

²⁰ Нит синэ шантай мильт титбеттед синыйт.

²¹ Ій юкьянч, ку сарн мунне: Господи, Господи, линче мэннед альм царства, а тэт, ку тявт мунэ альм‐адже тахтмуж.

²² Іеннэг лянч мынне сарньеттед тэн піейв: Господи, Господи! Вай мій тонэ нэмест эвтлест айгій сарнайм? и вай мій тонэ нэмыйн вуэехійм цурьтійт? и вай мій тонэ нэмыйн іеннэг кусьтнахтем туйед туешійм?

²³ И танна мун сійе сарнам: мун ни куэсь ым тіеттанч тиныйт; мэннед іерс сайя мунст, тій закон?-?хеммес туешее.

²⁴ И нит пиям юкья, кіе култал тэлайт мунэ сагыйт, и кіе еал синый мильт эвт‐налшемен милвес олмыйн, ку туишт пэртес павьте элэ.

²⁵ И вульгій абрь и тивтин іогэ, и пиӈкьин пиӈгэ и чаввин тэн пэрт элэ, и сон іорманч ій, тэн гуэйк што сон ляй туешанч павте элэ.

²⁶ А юкьянч кіе кул тайт мунэ сагыйт и ій туешт нит, лянч пійманч эвт‐налла милъхеммес олмыйн, ку туешт иджес пэрт вунтас элэ.

²⁷ И вульгій абрь, и кольгдин іогэ и пиӈкьин пиӈгэ, и выррин тэн пэрт элэ; сон и іорый и ляй сонэ іормуш шур.

²⁸ И куэсь Исус луптій тайт сагыйт, олмо див?-?дэттен сонэ матьхемуж.

²⁹ Тэн гуэйк што сон уэпесьт синыйт кохт валтланч, а ій нит кохт кирькид и фарисее.