Махьтвеест 22 - Махьтвеест Пась‐Евангели 1-22 1878

Кухтлогант нумпь алкхэш.

¹ Исус вял сарнай сійе арвдэзій‐гуэйм и цилькій:

² Альм‐царства ли эвт налла цар олмне, ку туешт найм‐туэле иджес альге варас.

³ И вулгехт иджес пакэлвэзійт кохчед кохчманч олмыйт найм‐тоалла; и іеб тахтманч пуэттед.

⁴ Овта вулгехт нумбійт пакэлвэзійт, цилькій: ціельхкед кохчманч олмыйт: кич, мун валмшим иччан кусь‐вярэ, мунэ вузе и ми ляй портанч, ли контанч, и пук ли валмэш; пуэттед найм‐тоалла.

⁵ А сій іеб якхэлма тэн, а вулькин, кіе иджес пилто, кіе иджес кахпо.

⁶ А еаррас табехин сонэ пакэлвэзійт, окнехтин и коньтин синыйт.

⁷ Кулый цар тэн и сіентый синый элэ; и вулгехт иджес вигэ, майгай пук тэйт контьійт и пульдій синэ лань.

⁸ Танна сон сарн иджес пакэлвэзійт: найм‐туэль ли валмэш; а кочманч олмо іеб линч анехее.

⁹ Тэн гуэйк мэннэд чуэкас ратклэгыйт и пукыйт, кіен ковнбеттед, кохчед найм‐тоалла.

¹⁰ И тэк пакэлвэз лихтин чухксій элэ, копчин пук, кіейт лышша ковнин, и пас олмыйт и шиг оммыйт; и найм‐туэль коаккань тивд орэій‐гуэйм.

¹¹ Цар, куэсь сон пудій кихчед ыштнанч найм?-?туэльникійт, уйній тамбет олмо, ку иллинч тэвэнэтманч найм‐асгій‐гуэйм.

¹² И сарн сонне: виль! Кохт тон путтих тигэ ык найм‐асгій‐гуэйм? А сон орай инэха.

¹³ Танна цилькій цар пакэлвэзійт: коррэд сонст кидійт и юльгійт, вальтед сонэ и суэхпьеккед олгмус сіевньдессе; тампет лянч луйхкмуш и паній‐гуэйм кацкмуш.

¹⁴ Тэн гуэйк што іеннэг ли кохчманч, а ванас ли валэшанч.

¹⁵ Танна фарисее вулькин и кэскнис юрьтин, кохт лихч сонэ шиллед саній‐гуэйм.

¹⁶ И вулкхэллэб сонне иджес уэпсувьійт иро?-?діаній‐гуэйм, сарнеб: уэпсей! мій титтеп што тон лях вуйкед, и вуйкест уэпсах Иммель кяйн и ык вуллехт ни кіен миллэд мильт іеллед; тэн гуэйк што ык кич ни кой касвай элэ.

¹⁷ Нит ціельк мійе: кохт тон кичах? ли, иллях луэштанч аньтед чоаӈге Кесарре?

¹⁸ А Исус ку уйній синэ пасвудэ, цилькій: мэз мунэ кихчлеппед, кухтла?

¹⁹ Вузехеккед мынне тіеӈге, койн чоаӈк мавсет. Сій похтин сонне динарее.

²⁰ И сарн сійе: кіен ли тат ковас и кирь кирьханч?

²¹ Сій сарнеб сонне: Кесаре. Танна сарн сійе: нит аньтед Кесра, мэк ліеб Кесаре, а Имла мэк ліеб Иммеле.

²² Куэсь куллин тан, сій тэвэхушшин, куттин сонэ де вулькин.

²³ Тэн піейве путтин сонне саддукее, кок сарнеб, што иллях (ям‐олмыйт) еаллэемуш, и кэччин сонст:

²⁴ Уэпсей! Мойсей цилькій: го кіе ям, и сонст іеб лях парна, тэ сонэ виль ань валт сопэ каппэг иччис, и чуэнчлахт вильлес сіемя.

²⁵ Ляй минест киччем вильлед; авдьмунч найхт?-?лэдій и ямій, и го сонст іеб линч парна, сон кудій капкес иджес вильле.

²⁶ Эвте налла и нумпь и коалмант и киччант райя.

²⁷ А маӈӈа пукый и каб ямій.

²⁸ И нит еаллэем‐пале, кіен лянч сійед кичмест сон каб, го сій аннин пук сонэ?

²⁹ Исус цилькій сійе вуэста: сякнэнтбеттед, го іеппед тиде кирьхемуж ни Иммель самайт.

³⁰ Тэн мильт што еаллэем‐пале іет найхтлэт?-?тут и іет мэннуть куйю, а іелет готь Иммель іеӈкалэ альмест.

³¹ А ям‐олмый еаллэем баяс іеппеда тій локманч, ми ли тійе цялхканч Иммелест:

³² Мун лям Абрам Иммель и Иссак Иммель и Яхко Иммель? Иммель иллях ям‐олмый Иммель, а іельій.

³³ Куэсь олмо куллен тан, тэвэхушшин сонэ уэпсемуж.

³⁴ А фарисее, куэсь сій куллен, што сон туешт саддукеійт инэха оррэд, сій коакнин эвт сайя.

³⁵ И эхт синест, законнехк, сонэ кихчлем варас кэджій, сарнай:

³⁶ Уэпсей! Ку ли шуремус пахкмуш законест?

³⁷ Исус цилькій сонне: шабэшт Господэ, иджант Иммеле пукыйн кутькійнант, и пукыйн иӈкыйнант, и пукыйн антшемужійнант.

³⁸ Тат ли авдьмус и шуремус пахкмуш.

³⁹ А нумпь ли тан налла: шабэшт иджант альтмуз, готь ич иджант.

⁴⁰ Тай кухтед пахкмуж элэ пэштув пук закон и пророк.

⁴¹ А куэсь коакнин фарисее, Исус кэджій синест:

⁴² Мэйт тій юрьтбеттед Христозе баяс? Кіен сон ли альк? Сій сарнеб сонне: Давыд альк.

⁴³ Сарн сійе: а кохт Давыд, вуйӈас мильт, коч сонэ шуррэн, куэсь сон сари:

⁴⁴ Цилькій шур мунэ шурре: ышт уэльгис пялла мунэ, кон райя піям тонэ вуэстлайт тонэ юльгій вуэлла?

⁴⁵ И нит, го Давыд коч сонэ шуррэн; кохт шыт ли сон сонэ альк?

⁴⁶ И ни кіе ій оайянч сонне цилхкед ни сане вуэста; и тэн піейвест ій тустманч ни кіе кэччед сонст.