Махьтвеест 20 - Махьтвеест Пась‐Евангели 1-22 1878

Кухтлогант алкхэш.

¹ Тэн гуэйк што ли альм‐царства эвт налла пэрт хозьенійн, ку инцек айгалт ливтій пальхктед туй‐олмыйт иджес вын‐мурь‐айто.

² И куэсь сон синый гуэйм шитій арвайн эвтій динареій пяйва, сон вулгехт синыйт иджес вын‐мурь‐айто.

³ Куэсь сон ливтій олгус коалмант чяс бале, сон уйній нумбійт чуэнчмен кахп‐саест туеха.

⁴ И сійе цилькій: мэннэд и тій мунэ вын‐айта, и ми тійе вульгинч, антам тійе. Сій вулькин.

⁵ Васьт ливтій кудант чяс бале и авцант чяс бале, и туишт тэн‐ше.

⁶ Кячча, куэсь сон ливтій эхтемплогант чяс бале, сон ковный нумбійт туеха чуэнчмен, и сарн сійе: мэйт тій туеха чуэнчбеттед тасьт кяджас піейве?

⁷ Сій сарнеб сонне: ни кіе ій пальхктанч миныйт. Сон сійе сарн: мэннэд и тій мунэ вын‐айто, и ми тійе вулькинч, линчбеттед вальтед.

⁸ Ну куэсь шэндій іекнанч, цялхк вын‐айдэ хозьен иджес вирма олмне: кочь туешеійт, аньт сійе пальк, алкехт маӈемузійн авдьмузій райя.

⁹ И кок путтин эхтемплогант чяс бале, вальтин эвтій динареій.

¹⁰ А кок путтин авдьмузе, юрьтин, што валь?-?теп іенамп; а и сій вальтин эвтій динареій.

¹¹ И куэсь сій вальтин, и алькин пэрт хозьене элэ артэд.

¹² И сарнун: так маӈемузе туешин эвт чяс, и тон пійих синыйт эвт райя миный гуэйм, кок куньдим піейве лоссэдвудэ и паштэг.

¹³ А сон вуэста цилькій эхте синест: виль! мун ым віерехт тонэ логест; ыкка тон сіехтманч муныйн эвтед динареест?

¹⁴ Вальт иджант, и мэнэ; а мун татам аньтед тэлайне маӈемуссе тэн‐ше, кон и тонне.

¹⁵ Ійя мунэ ля валт иччан лыкест туешед, мэйт татам? Или ли тонэ чальм анес верес еалэ элэ тэн гіеччен, што мун лям шиг?

¹⁶ Нит линчин маӈемуз авдьмуссен, и авдьмуз линчин маӈемуссен; тэн гуэйк што ли іеннег кохчманч, а ванас ли валэшанч.

¹⁷ И вулькій Исус паяс Іерусалимма, и варест коччай кухтемплокь уэпсувьеттед рявна эвтійт, и цилькій сійе:

¹⁸ Кич, мій мэннэп Іерусалимма, и олмо альк лянч антанч шуремус папыйт, и кирькидійт, и судэш?-?куэдет сонэ сорма;

¹⁹ И аньтет сонэ тортмас олмыйт окнахтем варас, куппэм варас, и ристе‐саньтем варас; и коалмант пяйва сон еаллай.

²⁰ Танна пудій сонне Зеведее эльгій іен иджес эльгій гуэйм, коммэрдэлэй, и мэйт лянч анай сонст.

²¹ Сон цилькій сонне: мэйт тон татах? Сон сарн сонне: ціельк, што так кухт мунэ альге ыштчин Тонэ лузэ эхт уэльгис пялла, а нумпь чинч пялла Тонэ царствест.

²² Исус цилькій вуэста: іеппед тиде мэйт ан?-?беттед. Уэйбеттед, іеппед юккэд тэн напь кон мун югэшкоадам, или рыстнэттед тэйн рыстнэтмужійн, койн мун рыстнэдам? Сій сонне цильхкин: уэйеп.

²³ И сарн сійе: мунэ напь линчбеттед юккэд, и рыстнэтмужійн, койн мун рыстнэдам, линчбеттед рыстнэттед; а ыштед уэльгис пялла и чинч пялла мунэ лузэ, илля мунэ аньтмест, а кіез мунэ ачь валмышт.

²⁴ Куэсь іерес локь уэпсуввэе куллин тан, сій сіентин куйт вильле элэ.

²⁵ А Исус коччай синыйт и цилькій: тій титбеттед, што олмый царэ синый альн аннеб царвудэ, и шур‐олмо валт аннеб синый альн.

²⁶ А тиный кэскест ій биде нит ліеде: а кіе тахт тиный кэскест шуремуссен ліеде, сонне быт тійе слушьен ліеде.

²⁷ И кіе тахт тиный кэскест автьмуссен, сонне быт тійе ліеде пакэлвэссен;

²⁸ Нит готь олмо альк ій тэн варас поаттанч, што сонне слушчиш, а слушшед пудій, и аньтед иджес инк, іенгій лонесем варас.

²⁹ И куэсь сій вулькин Іерихонест; синый мильт пудій іеннэг олмнеттед.

³⁰ И кич, кухт чальмхеммес, кок оррун чуэкас гурест, куэсь сій куллин, што Исус ман рае, алькин кукхэллэд: шалэшт миныйт, Господи, Давыд альк!

³¹ А олмо пахкун синыйт оррэд инэха; а сій вял чувьтамп кукхэлшкуттин: шалэшт миныйт, Господи, Давыд альк!

³² Исус іэскій, коччай синый альтла, и цилькій: мэйт тій тахтбеттед мунст?

³³ Сій сарнеб сонне: Господи, што авнехчин минест чальме.

³⁴ Ну Исус шалэштлувый, кускый синэ чельмійт; и тестханна уйнешкуттин синэ чальме, и сій вулькин сонэ мильт.