Махьтвеест 2 - Махьтвеест Пась‐Евангели 1-22 1878

Нумпь алкхэш.

¹ Куэсь Исус шэндій Вифліемест, Іюдеест царэ Ирод пале, путтен ноайт‐олмо Іерусалимма нурьтей горрен, и сарнэб:

² Кость ли Іудей цар, ку ли шэнтманч? тэн мильт што мій уйним сонэ тасьте нурьтей альн, и пу?-?дійм сонне комьмердед.

³ Куэсь цар Ирод тан кулый, сон суркен и пук Іерусалим соныйн.

⁴ И сон копчій пукыйт шуремус папыйт и кирь?-?кидыйт мырест, и кэджій синест: косьт быт Христоссе щэнтед?

⁵ И сій сонне цилхкин: Вифліемест, Іудеест; тэн милт што нит ляй кирьханч пайель пророк:

⁶ И тон, Вифліем, Іудей іемне, ык ля ни‐мэйн Іудей уйвійн уцмус; тэн‐гуэйк што тонст поат шуремус, ку пинь мунэ мырэ Израил.

⁷ Танна Ирод пяйхтест кочей ноайт‐олмыйт и синест кэджій, што кон пале тасьт идій.

⁸ И вулкехт сииійт Вифліемма и цилькій: мэннед, кэччед пуремухте парне баяс; куэсь тій ковнбыттед, танна мунне сагэ туешиккед, што и мун мэнам, сунне коммердам.

⁹ Сій готь куллин царэст пук ди вулькин; и таль тасьт, кон сій уйнин нурьтей альн, мэній синій эвдест тэн райя, куэсь пудій и ескій тэн сае элэ, косьт ляй парьн.

¹⁰ Куэсь сій уйнин тасьте, и сій рамгуттен чевта шур рамай‐гуэйм.

¹¹ И сій суӈӈун пэрхте, уйнин парне иннійнис Марьійн, и сій коммердин сунне юэлка; и оццин еалай?-?дис и пуэхтин сунне лайχійт: коль и ладан и смирна.

¹² И куэсь сійе Иммель пакай накрест, ій мэннед Ирод горра маст, сій вулькин іерес вара иджес горра.

¹³ Ну куэсь сій вулькин: танна и Иммель іеӈкал ыт накрест Оаска, и сарн: коццэ, вальт парьн и сонэ іен и поачк Египет іемня, и іель тампет тэн райя што куэсь мун тонне ым ціельк; тэн гуэйк што тахт Ирод оццед парьн майкем варас.

¹⁴ Сон коццай, вальтій парьн и сонэ іен ыкка, и вульгій Египет іемня.

¹⁵ И сон тампе ляй тэн райя, куэсь Ирод ямій; што шэнтахч сарнманч Имлійн пайель пророк, ку сарн: Египет іемнест мун кохчумь алкан.

¹⁶ Куэсь Ирод танна уйній иджес луэньманч ноайт‐олмыйн, сон чевта сяндій и вулкехт пукыйт парнайт коньтед Вифліемест и пук тэн іемнест, кухтед игест и тэсьт нурмійт, тэн пале мильт, кон сон кулый ноайт‐олмыйн.

¹⁷ Танна шэндій сарнманч пайель пророк Еремей, ку сарн:

¹⁸ Ин куллай Рамест, луйхкем и рякмуш и чевта кукхэллэм; Рахил луэйхк иджес парнайт, ій тат іэскед луйхкмен тэн гуэйк што сій іеб лях.

¹⁹ Маӈӈа Ирод сорьмест, кич, Иммель іеӈкал накърест идій оаска Египет іемнест,

²⁰ И сарн: коццэ, вальт парьн иннійнис, мэнэ Израил іемня; тэн гуэйк што яммин парьн иӈк оццей.

²¹ Сон коццай, вальтій парьн и сонэ іен, и пудій Израил іемня.

²² Куэсь сон кулый, што Архелай Іудеест ли царрен Ирод саест, аджес эвтель, сон пэлый тогэ мэн?-?нем; те пакай сунне накрест Иммель (мэннед), и сон вульгій Галилей раій сыз.

²³ И пудій тогэ и іелхэдій ланнест, нэммед мильт Назаретест, што шэнтахч пайель пророкый сарн?-?мушшед мильт, што сон лянч кохчьед Назаретлинчен.