Махьтвеест 18 - Махьтвеест Пась‐Евангели 1-22 1878

Кавцемплогант алкхэш.

¹ Тэн вуэрэ уэпсуввэе путтин Исусе и цильхкин: кіе ли шуремус альм‐царствест?

² Исус коччай парьн и ціеӈкехт кэське синый,

³ И цилькій: вуйкест тійе сарнам, готь тій іеппед ковсинче и іеппед линче мукка, кохт парна; іеппед чагэ альм царства.

⁴ И нит кіе уцнинч, готь тэлайхге парьн, тэт лянч шуремус альм царствест.

⁵ И кіе валт эвт мукка парьн мунэ нэмме; тэт и мунэ вялт.

⁶ А кіе вык ряхка эвт тайн уцьхайн, кок віеръеб мынне; тэсэ лехч пурямп, го корчиш сонне міельнехц райк‐кіедге пыр чапэть, и кэцкдин сонэ міерэ чиӈлессе.

⁷ Пэч коадэ‐сулъе ряхка‐выкмужійн; тэн гуэйк што быт пуэттед ряхка‐выкмужійт: а пэч тэн олмне, пайель кон поат ряхка‐выкмуш.

⁸ А готь тонэ кит или тонэ юльк вык тонэ ряхка, чуп іерс сайя и суэхпе паго иджесант: пурямп тонне мэннед еалмушше кидха или юлькха, го кувтин кидин и кувтин юлькин суэхпьюввед аге толле.

⁹ И готь тонэ чальм вык тонэ ряхка, ротте іерс сайя, и суэхпе иджесант паго: пурямп тонне эвтин чельмин мэннэд іеллем‐сайя, готь кувтин чельмин уэльктуввед тол‐атто.

¹⁰ Кихчед, іеллед локкэд уцхинчен ни эвт тайн уцхайн; сарнам тійе, што синый іеӈкал эльмійн юкке вуэрэ уйнеб мунэ альм‐адже касф.

¹¹ Тэн гуэйк што олмо альк пудій оццэд и піэс?-?тед тэн, ку майкуй.

¹² Кохт ли тинэ уйнметтед мильт? Го кіест лихч чуть лампсеттед и эхт синест чайед; вай сон куэт ахцлокь ахц тирмійн и вуэлк оццэд чайданч лампас?

¹³ И готь сон ковнинч сонэ; то, вуйкест сарнам тійе, сон раммаш сонэ гуэйк іенамп, мэн ахцлоге ахц гуэйк, кок іеб линч чайданч.

¹⁴ Нит иллях тинэ альм‐адже тахтмуш, што майкьяхч эхт тайн уцьхайн.

¹⁵ А готь ряхктув тонэ вуэста тонэ виль; мэнэ, и вузехт сонэ віерас‐вуттен иджант кэскест и соныйн эвтин: готь сон якхал тонэ; тон танна ковних вильлянт.

¹⁶ А готь сон ій якхэлэ тонэ; вальт міелдант вял эвт или кухт, што кухт или колм чор‐олмо няльмій гуэйм равнувахч юкке сань.

¹⁷ А готь ій якхэлэне синыйт; ціельк ціерква: а готь ій якхэлэне и ціерькве; танна ань лянч тонне кохт тортмас и мыттарь.

¹⁸ Вуйкест тійе сарнам: мэйт тій корбеттед іемнест, тэт лянч альмест корманч; и мэйт тій чуэвт?-?беттед іемнест, тэт лянч чоавтанч альмест.

¹⁹ Вуйкест нит‐же сарнам тійе, што готь тійед куйтас эхтед милэст анэшкуэтьбеттед юкке туе; танна, мэйт тій анэшкоадэчеппед, лянч тійе мунэ альм‐аджест.

²⁰ Тэн гуэйк што косьт куйтас или колмас коак?-?нанч линчин мунэ нэмме, тампет мун линчим синый кэскест.

²¹ Танна Піедар сонне пудій, и цилькій: Господи! мэн віерьт вуэррэд быт куттед рикійт вильсан, ку ли ряхктувманч мунэ вуэста? Вае киччем вуэрэ райя.

²² Исус сонне сарн: ым цилк тонне: киччеме райя, а киччем вуэррэд кичлоге райя.

²³ Тан мильт алм царства ли эвт налла ца?-?рыйн, ку татай локтэттед иджес пакэлвэзій гуэйм.

²⁴ Куэсь сон алькій локтэттед; похтанч ляй сонне эхт, ку ляй сонне вялгланч локь тоафнеттед та?-?лантед.

²⁵ А кохт сонст иллинч мэйн махсед, танпа сонэ хозьин пакай миккэд сонэ, и сонэ каппэге, и парнайт, и пук ми сонст ляй, и махсед.

²⁶ Танна тэт пакэлвэс вырій сонне юэлка, коммэрдэлый сонне и цилькій: цар! киршель мунэ гуэйк, и пук тонне мавсам.

²⁷ Цар тэн пакэлвэз шалшувый, лушьтій сонэ, и кудій сонне віельк.

²⁸ А тэт пакэлвэс куэсь сон олгус ливтій, ковній эвт иджес товружійн, ку ляй сонне вялгланч чуть динарейед, табать сонэ, каксэлый, и сарнай: аньт мынне мэн тон лях вялгланч,

²⁹ Танна сонэ товьруш вырій сонэ юлькійт, андэдій сонст, и сарнай: киршель мунэ туккен, и пук тонне андам.

³⁰ А тэт ій шахтанч, а вульгій и ыштехт сонэ сіевнис сайя, кон сон віельк ій аньт.

³¹ Сонэ товьруж куэсь уйнин ми ляй шэнтманч, чуэвта сіеньтин; путтин и сарнун иджес царре пук тан ми ляй шэнтманч.

³² Танна сонэ цар коч сонэ и сарн: пас пакэлвэс! пук тэн віельк тонне куттим, тэн варас што тон мунст андэттих.

³³ И тонне бидій туешед лавведвудэ иджант товьрушше, кохт и мун тонне туешим лавведвудэ.

³⁴ И сіентій цар, и эньдій сонэ мухцьійт, тэн райя куэсь сон ій аньт віельк пук.

³⁵ Нит и мунэ альм‐ачь туешешкоат тиный гуэйм, готь юкьянч тинест ій куде иджес кутькест виль?-?сес сонэ рикійт.