Махьтвеест 17 - Махьтвеест Пась‐Евангели 1-22 1878

Киджемплогант алкхэш.

¹ Маӈӈа куттэд піейвест Исус вальдій Піедар, Яхко и Эвван, сонэ вильле, и выгій синыйт эл тіерьм элэ эвтійт.

² И сон шэндій іерес налла синый эвдест: чув?-?вин сонэ касф го піейв, а сонэ ассэг шэнтин пук вил?-?кед, го чув.

³ И кич иттин сійе Мойсей и Ильле, и сарнун соныйн.

⁴ Тан пале Піедар цилькій Исусе: Господи! Шиг ли мійе тасьт іеллед; татних, туешеп тиге колм пэрхтед: эвт тонне, и Мойсее эвт и Ильля эвт.

⁵ Куэсь сон вял сарнай, кич, чуввис пэлв синыйт кэпсхэдій; и кич, ин пэлвест сарнэшкудій: тат ли мунэ шабэшем‐альк, ку ли мунэ миллэд мильт; сонэ култлеккед.

⁶ И куэсь уэпсуввэе куллин, сій коммаде оайкь?-?иттин касвайдис элэ и чуэвта суркнин.

⁷ А Исус пудій, лыксеттій синыйт, цилькій: коцьеккед, и іеллед пэллэд.

⁸ Ну куэсь сій аведин чельмійдис, іеб уйнанч ни кіен еарас готь эвт Исус.

⁹ И куэсь сій нійин тіерьмест вуэлас, Исус кильдій синыйт, сарнай: іеллед сарнед ни кіез тан уйнем баяс, кон олмо парьн ій еалло ямьійн.

¹⁰ И кэччин сонст сонэ уэпсуввэе: кохт шыт кирь‐кидэ сарнеб, што Ильля быт пуэттед эвтлест?

¹¹ Исус цилькій сійе вуэста: тат ли вуйкедвут, Ильля быт пуэттед эвтель, и сіеттед пук.

¹² А сарнам тійе, Иль пудій, и іет тидханч сонэ, а туйшиш соныйн кохт тахтуш; нит и олмо альк валт вайве синый гіеччен.

¹³ Танна уэпсуввэе антшин, што сон сарнай сійе Эвван Рыстее баяс.

¹⁴ Куэсь сій путтин олмый горра; пудій сонне олмунч, кэччій пулвый элэ сонэ эвдест;

¹⁵ И цилькій: Господи, шалэшув мунэ альге; сон от манай мильт вуэр, и чуэвта мухкшув; тэн гуэйк што товье суэхпдахт толле и товье чацца.

¹⁶ Мун похтлим сонэ тонэ уэпсувьійт, и сій іеб оайянч сонэ тирвхахтед.

¹⁷ Ну Исус вуэста цилькій: ой віерхеммес и маст маццанч пулвдэк! кон рая мун линчим тиный гуэйм? Куккеа мынне лянч киршед тиныйт? похтед сонэ мынне тиге.

¹⁸ И цевдзій Исус сонэ; и цуэрхт вульгій сонст паго; и парьн тирвхувый тестханна.

¹⁹ Танна уэпсуввэе путтин Исусе ичнис и цилхкин: мэн гуэйк мій іеп оаянч сонэ вуэехед?

²⁰ Ну Исус цилькій сійе: тинэ віерэхемвудэ гуэйк; вуйкест сарнам тійе: готь тинест лянч віер горчица сіема шурад, и ціельхкбеттед тан тярма: мэнэ таде горрен тогэ; сон ман; и иллинче ни ми тійе матьнахтем туешемест.

²¹ А тат пулвдэк ій ни махт іерес налла вуе?-?хув, го малец‐саній гуэйм и пэзин.

²² Куэсь сій лейен Галилеест, Исус цилькій сійе: олмо альк лянч антанч олмо‐кидійт;

²³ И коньтет сонэ; и коалмант піейве еаллай. И сій чуэвта пяцлужешкуттин.

²⁴ А куэсь сій путтин Капернауме; путтин Піедра дизрахмай копчее и цильхкин: вае ант тинэ уэпсей дидрахма?

²⁵ Сон сарн: ант. И куэсь сон мэній пэрьхте; Исус, ку эвтель мэній тогэ, цилькій: кохт тонэ милэст ли, Сымман? Іемней царэ, кіесьт сій вальтеб пошлине, или чоаӈге? иджес эльгійн, или верес олмыйн?

²⁶ Піедар сонне сарн: верес олмыйн. Исус цилькій сонне: нит ліеб альге лупс.

²⁷ А што мій синыйт іеп выгче ряхка, мэнэ міерэ горра, лушьт вуӈк, и вальт автмус куле, ку по?-?пахт; и куэсь тон аведах сонст няльме, ковнах стати?-?ре; вальт сонэ, и аньт сійе мунэ эвтель и иджант эвтель.