Махьтвеест 15 - Махьтвеест Пась‐Евангели 1-22 1878

Выттэмплогант алкхэш.

¹ Танна пуэттеб Исузе горра Іерусалим кирь‐кидэ и фарисее, и сарнеб:

² Мэзэ тонэ уэпсуввэе іеллеб поарсай віерэ вуэста? іеб сій пэзэ кидійдис, куэсь поррэб ліейбе.

³ Ну соп цилькій синій вуэста: мэзэ и тій туешеппед пайель Иммель пахкмуж иджант віер гуэйк?

⁴ Тэн мильт што Иммель пакай: логэ аджант еаннант шуррен; и кіе тонэ адже, іене афк, ань сор?-?мас ям.

⁵ А тій сарнбеттед: кіе цилькинч ачча, или еанна: лайх Имла ли тэт, мэйн тон оайчих мунст віек?-?хуввэд;

⁶ Тэт оай аджес іеннес куттед логханна. Тэй налій тій паго цэйлійт Иммель пахкмуж иджант віерыйн.

⁷ Тій кухтла! пуэрест Исайя сарнай тинэ баяс пророк сагыйт, куэсь сон цилькій:

⁸ Так олмо пуэттеб мынне альтла няльмис гуэйм, и аньтеб мынне цыст нюхчмійн; а синэ кутьк ли куэх?-?кен мунст.

⁹ А пусьтійт мынне цыст аньтеб, готь уэпсеб матьхемужійт, олмый пахкмужійт.

¹⁰ И коччай олмыйт, цилькій сійе: куллэд и антшеккед!

¹¹ Ій тэт, ку ман нялма, туешт олмо тортмуссен; а тэт, ку вуэлк няльмест туяшт олмо тортмуссен.

¹² Танна сонэ уэпсуввэе путтин и сарнун сонне: тіедах, ык, што фарисее, куэсь сій куллин тан сане, віерхуввин?

¹³ Ну сон сійе цилькій вуэста: юкке шэнтмуш, кон ій мунэ аль‐ачь ыштханч, лянч ротьянч оантсис гуэйм.

¹⁴ Куттед синыйт: сій ліеб чальмхемій чальм?-?хемес оахпас; а го чальмхем вык чальмхеме, то кухто іоррэб авта.

¹⁵ А Піедар сонне цилькій вуэста: ціельк мійе тан арвдэз.

¹⁶ Исус цилькій: вае и тій вял іеппед антешт?

¹⁷ Вай эвте тій іеппед тольхке, што пук, ку поат нялма, ман чоавя, и суэхпъюв олгус?

¹⁸ А няльмест вулькей ліехт кутькест; тэт торт?-?махт олмо.

¹⁹ Тэн гуэйк што кутькест вулькеб пас юртэг, контмуж, ріекь верес капкій‐гуэйм, суэлнэмуж, килес уйнее‐сане, лайхтмуж.

²⁰ Тат торхк олмо; а пэзханенч кидій‐гуэйм поррэд, и торьк олмо.

²¹ И ливтій Исус тампе и вульгій Тирэ и Сидон іемня.

²² И кич, нызан Хананланч ливтій тэйн сэійн и кукхэлый сонне: путь мынне лавведвудэ, Господи, Давыд альк! мунэ нійт лосдиньне кэпшт цурьтій майнест.

²³ А сон ій сарнанч сонне ни эвт сане вуэста. И сонэ уэпсуввэе путтин, аннун сонст: лушьт сонэ, тэн гуэйк што кукхэл миный мильт.

²⁴ Ну сон цилькій вуэста: Мун лям вулкханч, ым нумбій варас, а Израил пэртэ майкьянч ламбсійт.

²⁵ А сон пудій альтла, коммэрдэлый сонне, и сарнай: Господи! віекехт мунэ.

²⁶ Ну сон цилькій вуэста: илля шиг вальтед ліейбе, и суэхпед піенгійт.

²⁷ Сон цилькій: нит, Господи! а и піеннэг поррэб чувкхэзійт, кок кэчнеб синэ хозьеній туэлест.

²⁸ Танна Исус цилькій сонне вуэста: ой, нызан‐олмунч, шур ли тонэ віер; ань тонне лянч тонэ тахтмуж мильт. И тирвхувый сонэ нійт теде вуэрест.

²⁹ Куэсь Исус вульгій томбе, сон пудій Галилея міерэ лузэ; и мэній тіерьм элэ и ыштій тогэ.

³⁰ И пудій сонне іеннэг олмнеттед, кок похтин мильдес лэхкшійт, чальмхемійт, нюхчмахтмійт; кэб‐мур?-?танч олмыйт и еарсійт іеннэг, и ойкьин синыйт Исус юльгій вуэлла; и сон тирвхэттій синыйт.

³¹ Нит што олмо тэвтушшин, го уйнин нюхчмахтмійт сарнем, кэб‐мурьтем олмыйт тирвесн, лэхкшійт воттэттем, и чальмхемійт уйнем; и сій кихтин Израил Иммеле.

³² А Исус коччай иджес уэпсувьійт, цилькій сійе: мун шалшам олмыйт, што сій уже колм піейве іеллеб мунэ лунь, илля мэйт сійе поррэд; а мун синыйт порэханна ым тат луштед, што сій іеб шэнтче варест лоаньчас.

³³ И сарнэб сонне сонэ уэпсуввэе: косьт мійе пусьт пайкест ли тэн віерьт ліейпед вальтед, што пор?-?тед тэн віерьт олмнеттед.

³⁴ Сарн сійе Исус: мэн віерьт тинест ли ліейпед? Ну сій цилхкин: киччем, и ванас куэлнеттед.

³⁵ Танна пакай олмыйт ыштнед іемня.

³⁶ И сон вальдій киччем ліейпед, и кулійт, пась?-?пужій, муртехч и эньтій иджес уэпсувьійт, а уэпсуввэе олмыйт.

³⁷ И поррин пук, и калнин; и копчиш куэтьянч куськійт киччем тивт кушшед.

³⁸ А поръеттед ляй ніель тофэнеттед олмнеттед, нызнійха и парнайха.

³⁹ Сон куэсь олмыйт луштій, сон мэній вэнсе и пудій Магдала чорро.