Махьтвеест 12 - Махьтвеест Пась‐Евангели 1-22 1878

Кухтэмплогант алкхэш.

¹ Тэн пале мэный Исус пайель калванч пялдэ сувет; а сонэ уэпсуввэе лійин нялкманч и алькен кышкед суйн‐ладьвійт и поррэд.

² Фарисее куэсь сій уйнин тэн, цилхкин сонне: кич, тонэ уэпсуввэе туешеб тэн, мэн ій шит туешед сувет.

³ И сон цилькій сійе: вай тій іеппед локманч, мэйт туишт Давыд, куэсь сон ляй нялкманч ич и тэк, кок лійин соныйн эвтест?

⁴ Кохт сон мэный Иммель пэрьхте и порый вузьхем лійбійт, койт ій быттанч сонне поррэд ни тэйт, кок лійин соныйн, а эвтыйт папыйт?

⁵ Или тій іеппед локманч закнест, што сувхій мильт пап ціерьквест іеллеб сувет вуэста, пай‐ше сій іеб лях віере?

⁶ Ну сарнам тійе, тасьт ли тэт, ку ли шурямп ціерькветтед.

⁷ Го тій тидчиппед, ми тат ли: лавведвудэ татам, а ым лайхійт, то іеппед віерхехчбеттед віерьхеммес.

⁸ Тэн гуэйк што олмо альк ли шур суввет альн.

⁹ І куэсь сон вульгій тампет, мэный сон синэ синагокке.

¹⁰ І кич, тампе ляй олмунч, кон олмусьт ляй кошк кит; и кэччиш Исусест, сонэ віерьхеме варас: оай, ій лэхцед сувхійн?

¹¹ Ну сон цилькій сійе: кіе тіенест, кіест ли эхт лампес, готь сон суввет іор авта, ій вальт ди ни кіезь ій сонэ?

¹² А мэн віерьт ли олмунч пурямп лампсеттед! І нит оай сувьхій мильт туешед пуре.

¹³ Танна сон сарн тэн олмне: вуйке иджант кидэ; и сон вуйгій, и шэндій кит тирвас готь нумпь.

¹⁴ А Фарисее лихтин олгус и кэскнис юрьтин сонэ вуэста, кохт сонэ майкед. А Исус тидист и вулгій томпе.

¹⁵ Сонэ мильт вулгій іеннэг олмнеттед и сон тирвхэттій синійт пук.

¹⁶ И кильдій синійт сарнмен Иджес баяс.

¹⁷ Што лянч нит готь ли сарнманч пайель пророк Исайя, ку сарн:

¹⁸ Кич, мунэ пахкем‐парьн, кон валшим, шаб?-?шанч мунэ парьн, коз мунэ инк аяст пурійт. Мун пиям иччан вуйӈас сонэ элэ, и сон туяшт сагэ судэ баяс олмыйт.

¹⁹ Сон ій сарн вуэста ни кукхэл ій, и ни кіе ій кулэ іэтксійн сонэ инэ.

²⁰ Кэскмурьтем суйне сон ій мурд, и сув‐пилвсійт сон ій часкед, кон ій путь оайхтмуж сутте.

²¹ И сонэ нэмме олмо оскешгуэттеб.

²² Танна пухтиш сонне цуэрхтла чальмхем и нюхчмахтем; и тирвхэттій сонэ, нит што чальмхем и нюхчмахтем альгій сарнед и уйнед.

²³ И тывтушшин пук олмо и сарнун: вае тат ли Христос, Давыд альк?

²⁴ А Фариссе куэсь сій куллин тан, цилхкин: сон ій вуехт цурьтійт іерес налла го віельзевул, цурьтій шуремуз самай‐гуэйм.

²⁵ А Исус, ку тидій синэ юрткійт, цилькій сійе: юкке царства, ку раткый ичнис, лянч курас; и юкке лэн или пэрхт, ку раткый ичнис, ій линче чуэнчед.

²⁶ И готь сатана сатана вуяхт, сон раткый ичнис: кохт танна чуэнч сонэ царства?

²⁷ И готь мун віельзевулэ самай‐гуэйм вуехам цурьтійт, то тинэ альге кіен сій самай‐гуэйм вуехеб? Тэн мильт сій линчин тійе судьен.

²⁸ А го мун Иммель вуӈсійн вуехам цурьтійт, то танна пудій тійе Иммель царства.

²⁹ Или, кохт оай кіе мэннед самъес олмо пэрхте и сонэ еалайт вальтед, готь эвтель ій кор сам‐олмо? и танна анест сонэ пэрхт‐сиску.

³⁰ Кіе ій лях муныйн, тэт ло мунэ вуэста, и кіе ій копч муныйн, тэт пидгай.

³¹ Тад мильт сарнам тійе: юкке ріехк и лайхт?-?муш куэтьеб олмыйт; а лайхмуш вуйӈас вуэста ій линче куэттанч олмыйт.

³² Кіе цялхк сане олмо альг элэ; куэтъеб сонне тэк ріек; а кіе цялхк Пась‐вуйӈас элэ, тэк ріек іеб линче куэттанч ни таде альмест ни туде.

³³ Или тан мурэ локбеттед шиг муррэн и сонэ шантайт шикнен; или локбеттед мурэ нюэссен и сонэ шантайт нюэссен; тэн гуэйк што мур тидет шантай мильт.

³⁴ Кувдэ шэнтус: кохт тій уэйбеттед сарнед шиг сагыйт, го тій ліеппед пак? Тэн гуэйк што кутьке тивдасвудест няльм сарн.

³⁵ Шиг олмунч похт шиг еалайн шикнійт; и нюэзес олмунч похт нюзійт нюэзес еалайн.

³⁶ А тійе сарнам: юкке пусьт санест, кон ціелх?-?кеб олмо, сій аньтеб сане вуэста судэ піейве.

³⁷ Иджант сагыйн вуйкдужах и иджант сагыйн линчих віерьхувма.

³⁸ Танна куэ‐ля‐кок кирь‐кидійн и фарисеійн цилхкин: Уэпсей! Татчип мій тонст уйнед вузьхемуж.

³⁹ А сон цилькій сійе вуэста: нюэзес и ріехк‐туешей пулвдэк оц вузьхемуж, и ій антэд сонне іерес вузьхемуш, го пророк Іона вузьхемуш.

⁴⁰ Готь Іона ляй валлас човье сисн колм піейве и колм іе, нит и олмо альк лянч іемне кутькест колм піейве и колм іе.

⁴¹ Ниневитла коццэллэб судэ варас тайн пулв?-?дэгин и сонэ судэшкуэттеб; тэн гуэйк што сій кайдэт?-?тин Іона сагыйн.

⁴² Совь‐горе царица коццал судэ варас тайн пулвдэгыйн и судэшкоат сонэ; тэн гуэйк што сон пудій іемне раійн куллэд Соломон миллэввудэ; и кич, тасть ли шурямп Соломоннэд.

⁴³ Куэсь ліехт тортмас вуйӈас олмусьт, танна воттат чадзехеммес пайкій мильт, оц вуэӈӈем‐сае и ій ковн.

⁴⁴ Танна сарн: мун маццам маст иччан пэрхте, косьт мун вулькимъ; и куэсь сон поат, кавн сонэ курас, и ли пашманч и ріевклахтанч.

⁴⁵ Танна вуэлк, и валт милдес киччем нумбійт вуйӈсійт, нюэзямп иччедес, и соаккеб сій тогэ и іеллеб тампед; и ли тэн олмне маӈемунч нюэзямп авть?-?мунчед. Нит лянч и тан нюэзес пулвдэкке.

⁴⁶ Ну куэсь сон вял сарнай олмыйт; сонэ іен и вильле чуньчун олкем‐біельт, и тахтун соныйн сарнед.

⁴⁷ И мутам цилькій сонне: кич, тонэ іен и тонэ вильле чуэньчеб олкемъ‐біельт и тахтэб сарнед тоныйн.

⁴⁸ А сон цилькій вуэста, сарнъя: кіе ли мунэ іен? и кіек ліеб мунэ вильле?

⁴⁹ И вузехт кидійнис иджес уэпсувъій элэ, и цилькій: кич, тасьт ли мунэ іен и мунэ вильле.

⁵⁰ Тэн гуэйк што кіе алк іеллед мунэ альм‐адже тахтмужій мильт; тэт ли мунне виль и уэрьпен и іен.