Махьтвеест 11 - Махьтвеест Пась‐Евангели 1-22 1878

Эхтэмплогант алкхэш.

¹ И куэсь Исус іэскій иджес кухтемп‐логе уэпсувъеттед матьхеммен; вульгій томпе нумпь сайя уэпсед и сарнед синэ лэннійн.

² А Эвван, куэсь сон сіевнис саест кулый Христоз туійт, вулгехт куэхтас иджес уэпсувъіин,

³ Ціельхкед сонне: Тон лях, али ык, ку быт пуэттед, вай мійе быт нумпь вурьтед?

⁴ Цилькій сійе Исус вуэста: мэннед, ціельхкед Эвне, мэйт кулбеттед и уйнбеттед.

⁵ Чальмхеммес шэнтеб уйньен и лэхкэж ваньцеб, проказ‐кэбла путтесмеб и кулнахтем кулэшкуэттеб, ям‐олмо еалсэллэб и вайваш сарнеб шиг сагыйт.

⁶ И тэт ли оазлэс, ку ій линче мунэ баяс віерханч.

⁷ Ну куэсь сій вулькин, Исус альгій сарнед олмыйт Эвван баяс: мэйт тій вардійт пусьт саест кихчмен? Вай олксуйн, пиӈгын лыкхэллэм.

⁸ Вай мэйт вардійт кихчмен? Вай олмо, тэвнах?-?танч суппис асгій‐гуэйм? Кок аннеб суппис асгійт, ливтьеб царэ шур пэртійн.

⁹ Вай мэйт вардійт кихчмен? Вай пророк? Да, сарнам тійе, и шурямп пророккед.

¹⁰ Тэн мильт што сон ли тэт, кон варас ли кирьханч: кич, Мун вулкхэлам иччан іеӈкал Тонэ касв эвте, ку валмашт тонэ варэ тонэ эвте.

¹¹ Вуйкест сарнам тійе: нызан‐олмыйн шэнтъійн ій чуэнчланч ни кіе шурямп Эвван рыстъеттед; а уць?-?мус альм царствест ли шурямп соннед.

¹² А Эвван рыстее пійвійн тан райя альм царства валтай самай‐гуэйм, и кок аннеб самайдис, ротьеб сонэ.

¹³ Тэн гуэйк што пук пророк и закон сарнун эвтель Эвван райя.

¹⁴ И готь тій татниппед вальтед, сон ли Илле, коз бидій пуэттед.

¹⁵ Кіест ліеб піелле куллэд, ань кул!

¹⁶ А кіейн мун пиям тан пулвдэг эвт налла? Сон ли эвт налла парнай гуэйм, кок орреб іэтксест и ковсеб иджес товружій горра,

¹⁷ И сарнеб: мій тійе нюргайм нюркем‐мурыйн, и тій іеппед сирманч: мій лавлэм тійе пяцлушшем лавлайт, и тій іеппед рякманч.

¹⁸ Тэн мильт што пудій Эвван, ій порэ да ни югэ ій; и сарнет: сонэ сисн ли цуэрьхт.

¹⁹ Пудій олмо парьн, пор и юк; и сарнет: кич тат олмунч, ку пор и юк вине, мыттарій и ряклай томдас олмунч. И миллэввут ли вуйкьянч иджес пар?-?най‐гуэйм.

²⁰ Танна сон альгій сіевтед лэннійт, койн ляй сонэ саммед іенамп вузеханч, тэн гуэйк, што сій іеб кайдэтманч.

²¹ Нюэсь тонне лянч, Хоразин! нюэсь тонне Вифсайда! Тэн гуэйк што готь Тирест и Сидонест вусеханс лихчин самэ, кок ліеб тинест вузеханч, то тула сій ликкус кайдэтманч віерційн и куныйн.

²² А тійе сарнам: Тирре и Сидона кіехпсамп лянч суттем піейвест, готь тійе.

²³ И тон Капернаум, ку лях пайнанч альм райя, тон іорах вэлас ад райя; тэн мильт што, го ликкус Содонест вузьханч самэ, кок ліеб вузьханч тонэ сисн то сон кутьянч лихч тармъенч піейве райя.

²⁴ А сарнам тійе, Содом іемня лянч кіехпсамп, го тонне.

²⁵ Тэн пале Исус вялэ сарнай и цилькій: Тонэ киттам, Аччан, альмест и іемнест шуремус! готь Тон тан пихтих милъвійн и юрьтьійн, и вузьхих тэн уць парнайт.

²⁶ Нит, Аджням! тэн гуэйк што нит ляй тонэ шиг тахтмуш.

²⁷ Пук ли антанч Мынне Мунэ Аджест, и ни кіе ій тид альг, іерес го ачь; и аджь ій тид ни кіе іерес го альк, и кіез тахт альк вузьхед.

²⁸ Пуэттед мынне пук туйла и лоссис куньдее, и мун вуэӈдам тиныйт.

²⁹ Вальтед мунэ кяссас иджант чапхе, и уэпсуввед мунст: тэн гуэйк што мун лям лаввед и суэн куть?-?кійнан; и ковнбеттед шиг еалмуж иджант иӈкыйт.

³⁰ Тон гуэйк што мунэ кяссас ли шиг и нуэть мунэ ли кіеппис.