AmaHubo 8 - IBHAYIBHELI ELINGCWELE

Indodana yomuntu nenkazimulo yayo

Kumholi wokuhlabelela. NgeGititi.* Ihubo likaDavide.

¹ Jehova Nkosi yethu, igama lakho liyababazeka kangaka emhlabeni wonke! wena owabeka inkazimulo yakho ezulwini.

² Ngomlomo wezingane nowabancelayo wagxilisa amandla ngenxa yabamelene nawe ukuba uthulise isitha nophindisayo.

³ Lapha ngibuka izulu lakho, umsebenzi weminwe yakho, inyanga nezinkanyezi ozimisileyo,

⁴ umuntu uyini ukuba umkhumbule, nendodana yomuntu ukuba uyinake na?

⁵ Wamenza waba ngaphansana kukaNkulunkulu, wamqhelisa ngenkazimulo nangobukhosi.

⁶ Wamenza abe ngumbusi phezu kwemisebenzi yezandla zakho; konke wakubeka phansi kwezinyawo zakhe:

⁷ izimvu, nezinkomo zonke, yebo, nezilwane zasendle,

⁸ nezinyoni zezulu, nezinhlanzi zolwandle, nakho konke okuhamba ezindleleni zolwandle.

⁹ Jehova Nkosi yethu, igama lakho liyababazeka kangaka emhlabeni wonke!