Misimna 29 - Zokam International Version

Pengkul Pawite

¹ "‘A kha sagihna a ni masa ni-in kikhopna siangtho khat bawl unla na nasep ngeina uh sem kei un. Tua ni, pengkulte mut ni ding ahi hi.

² TOPA a lungkimsak gimnamtui dingin meihal biakna-in a veka poina a nei lo bawngtalno khat, tuutal khat le kum khat a pha tuuno sagih pia un.

³ A bawngtal tawh an-a biakna-in sathau helsa annel limci ephah a khat sehsawm suah sehthum; a tuutal tawh, sehsawm suah sehnih b;

⁴ le a tuuno sagihte tawh sehsawm suah sehkhat c ciat bawl un.

⁵ No ading thoihdamna bawl nadingin mawhna hanga biakna-in keel a pa khat tasak un.

⁶ Hihte pen a kiciangtansa khasim le nisim-a meihal biakna, an-a biakna le dawntheih-a biaknate banah piak ding ahi hi. Tuate pen TOPA tungah mei-a hal biakna-a kipia - lungkimsakna gimnamtui ahi hi.

Thoihdam Ni

⁷ "‘Hih a kha sagihna a ni sawm ni-in kikhopna siangtho khat bawl un. Pel loin no le no d kidek unla na sem kei un.

⁸ TOPA tungah lungkimsakna gimnamtui dingin a veka poina a nei lo, bawngtalno khat tuutal khat le kum khat a pha tuuno apa sagih meihal biakna-in pia un.

⁹ A bawng tawh, sathau helsa annel limci ephah khat sehsawm suah sehthum; a tuutal tawh sehsawm suah sehnih;

¹⁰ le a tuuno sagihte tawh sehsawm suah sehkhat tek tawh an-a biakna pia un.

¹¹ Tuate banah thoihdamna dingin mawhna hanga biakna le a hunhun-a meihal biakna, an-a biakna, dawntheih-a biaknate le mawhna hanga biakna ding keel apa khat tasak un.

Biakbuk Pawite

¹² "‘A kha sagihna a ni sawm le nga ni-in kikhopna siangtho khat bawl unla, na nasep ngeite uh sem kei un. Ni sagih sung TOPA tungah pawi bawl un.

¹³ TOPA lungkimsakna gimnamtui mei-a hal biakna, meihal biakna-in bawngtalno sawm le thum, tuutal nih le kum khat a pha tuuno apa sawm le li pia un, a veka poina nei lo hi ding hi.

¹⁴ Bawngtal sawm le thumte tawh an-a biakna-in sathau helsa annel limci ephah khat sehsawm suah sehthum ciat, tuutal nihte tawh sehsawm suah sehnih ciat;

¹⁵ le tuuno sawm le li tawh, sehsawm suah seh khat ciat pia un.

¹⁶ A hunhuna meihal biakna-in an-a biakna le dawntheih-a biakna banah mawhna hanga biakna-in keel apa khat tasak un.

¹⁷ "‘A ninih ni-in a veka poina nei lo bawngtalno sawm le nih, tuutal nih le kum khat a pha tuuno apa sawm le li go un.

¹⁸ Bawngtalte, tuutalte le tuunote, a kiciangtan a phazah tawh kizui-in an-a biakna le dawntheih-a biakna tawh pia un.

¹⁹ A hunhuna meihal biakna le a an-a biakna le dawntheih-a biaknate banah mawhna hanga biakna-in keel apa khat tasak un.

²⁰ "‘A nithum ni-in a veka poina nei lo, bawngtal sawm le khat, tuutal nih le kum khat a pha tuuno apa sawm le li go un.

²¹ Bawngtalte, tuutalte le tuunote tawh a kiciangtan phazah tawh kizui-in an-a biaknate le dawntheih-a biaknate pia un.

²² A hunhun a meihal biakna, an-a biakna le dawntheih-a biaknate banah mawhna hanga biakna-in keel apa khat tasak un.

²³ "‘A nili ni-in a veka poina nei lo bawngtal sawm, tuutal nih le kum khat a pha tuuno apa sawm le li go un.

²⁴ A bawngtal, a tuutal le a tuunote tawh a kiciangtan phazah tawh kizui-in an-a biakna le dawntheih-a biaknate tawh pia un.

²⁵ A hunhun a meihal biakna, an-a biakna le dawhtheih-a biaknate banah mawhna hanga biakna-in keel apa khat tasak un.

²⁶ "‘A ninga ni-in a veka poina nei lo, bawngtal kua, tuutal nih le kum khat a pha tuuno apa sawm le li go un.

²⁷ Bawngtalte, tuutalte le tuunote tawh a kiciangtan phazah tawh kizui-in an-a biaknate, dawntheih-a biaknate bawl un.

²⁸ A hunhuna meihal biakna, an-a biakna le dawntheih-a biaknate banah mawhna hanga biakna-in keel apa khat tasak un.

²⁹ "‘A niguk ni-in a veka poina nei lo bawngtal giat, tuutal nih le kum khat a pha tuuno apa sawm le li go un.

³⁰ Bawngtalte, tuutalte le tuunote tawh a kiciangtan phazah tawh kizui-in, an-a biaknate, dawntheih-a biaknate pia un.

³¹ A hunhun a meihal biakna, an-a biakna le dawntheih-a biaknate banah mawhna hanga biakna-in keel apa khat tasak un.

³² "‘A ni sagih ni-in, a veka poina nei lo, bawngtal sagih, tuutal nih le kum khat a pha tuuno a pa sawm le li go un.

³³ Bawngtalte, tuutalte le tuunote tawh a kiciangtan phazah tawh kizui-in, an-a biakna le, dawntheih-a biakna-te pia un.

³⁴ A hunhun a meihal biakna tawh an-a biakna le dawntheih-a biaknate banah mawhna hanga biakna-in keel apa khat tasak un.

³⁵ "‘A nigiat ni-in kikhopna khat bawl unla na nasep ngei uh sem kei un.

³⁶ TOPA a lungkimsak mei-a hal biakna-in a vekpi-in poina nei lo bawngtal khat, tuutal khat, kum khat a pha tuuno apa sagih meihal biakna-in pia un.

³⁷ Bawngtal, tuutal le tuunote tawh, a kiciangtan phazah tawh kizui-in an-a na biaknate uh le dawntheih-a na biakna uh pia un.

³⁸ A hunhun-a meihal biakna, an-a biakna le dawhtheih-a biaknate banah mawhna hanga biakna-in keel apa khat tasak un.

³⁹ "‘Na kiciamnasate uh le utthu-a biaknate banah meihal biaknate, an-a biaknate, dawntheih-a biaknate le kilawmtakna biaknate - a kisehsa pawite hunin TOPA adingin bawl un,’ ci in," a a ci hi.

⁴⁰ TOPA in a thupiaksa khempeuh Moses in Israel-te tungah a gen hi.