Isaiah 22 - Zokam International Version

Jerusalem’ Thu Genkholhna

¹ Mangmuhna Kuam tawh kisai thusuak: Nang bangin hong lungkhamsak a, na vekun innkhum tungah kahto na hi uh hiam?

² A gamlum den khua aw, thubuai tawh a gamlum den khuapi aw, na mi thahte uh namsau thah hi lo a, gal sunga si zong hi tuan lo hi.

³ Na makaite khempeuh uh tai khawm khin uh a; thal zat lohin kiman khin hi. Hong kiman note khempeuh galte gamlapi-ah a om lai-a a taite tawh thong ah hong kikhum khawm hi.

⁴ Tua ahi ciangin, "Ka kiang pan kihemkhia un, kah cihtak hong kapsak lel un. Ka mite kisiatna hangin kei hehnep hong sawm kei un," ka ci hi.

⁵ Topa, Thahatpen TOPA in Mangmuhna Kuam sungah gamlumna, tuatcil-gawpna lungkham nading ni khat nei a, kulhte cimsakgawpin mualte tunga kiko nading ni khat a nei hi.

⁶ Elam-te in sakolte le sakollengte a tuangte tawh thaltang bawm pua uh a, Kir-te in a lum sin uh a hong uh hi.

⁷ Na deih pen uh kuamte sakolleng dim a, khuapi kongpite ah sakol-tuangte kipangsak hi.

⁸ Judah galdalnate kihawkkhiamang hi. Tuateh Tulak Kumpi inn a galhiamte lam na en a,

⁹ David Khuapi galdalnate mun tampi a kisiat na mu a, Bual Nuainung ah tui na cing hi.

¹⁰ Jerusalem a innpite a phazah na sima, kulh cianbeh nadingin innte na phelkhia hi.

¹¹ Tui om nadingin kulhte gel kikala Bual Lui puahin, tui bempi na bawla, ahi hangin a bawl Pa thusim loin tanglai peka a geel Pa lah na awlmawh kei hi.

¹² Tua ni ciangin Topa, Thahatpen TOPA in ippi puan silhin sam botkhia-a a kap dingin hong sam ding hi.

¹³ Ahi hangin en in, tua lai-ah lungnopna le nopsakna, bawng gawhna le tuu gawhna, zu dawnna le sa nekna a om ding hi! "Zing ciang si ding i hi manin ne in dawn ni!" na ci uh hi.

¹⁴ Thahatpen TOPA in ka zakin hong laak khin a: "Na sihni matengun hih mawhna a kimaisak kei ding hi," Topa, Thahatpen TOPA in a ci hi.

¹⁵ Hih in Topa, Thahatpen TOPA gen ahi hi: "Pai inla, kumpi innsung saipa - neihsa kempa Sheba kiangah:

¹⁶ Hih lai-ah bang hih a, nang thu-in hankhuk khuatin a sangna munah na hankhuk ding to a, suangpi sungah na khawlmun ding na khuak nadingin kua in phalna hong pia ahi hiam?

¹⁷ Kidawm in, nang mi thahatpa aw, TOPA in hong lencipin hong lawnkhiamang ding hi.

¹⁸ Amah in bawlung bangin gak takin hong hual dinga gam zapi ah hong lawn ding hi. Tua lai-ah na si dinga na sakol-leng tampitak kisusia in - na pu inn na zahlaksak ding hi!

¹⁹ Na zum panin kong suankhia dinga, na dinmun panin nang hong kizakiasak ding hi.

²⁰ "Tua ni ciangin ka nasempa Hilkiah tapa Eliakim ka sam ding hi.

²¹ Na puantualpi amah silhsakin nang konggak in amah ka gak dinga, na thuneihna amah ka suan ding hi. Amah, Jerusalem a tengte le Judah innkuante pa a suak ding hi.

²² Ama liangko tungah David innkuante tunga tawhtang ka koih dinga ama honte kuamah in khak thei loin, ama khakte kuamah in a hong thei kei ding hi.

²³ A kip muna vankhaina bangin amah ka khenkip dinga; a pa innkuan adingin pahtawina tutphah a ahi ding hi.

²⁴ Ama innkuan sung minthanna ahi; a suan a khak, a naihuai khempeuh - tui-um beelsuan kuang-le-keu inn vanzat khempeuh ama tungah a kikhai ding hi.

²⁵ Thahatpen TOPA in, "Tua ni ciangin a kipna muna vankhai in khoh lo dinga; kikhongkhia-in kia dinga a tunga kikhaite a kiphukta ding hi," TOPA in cikhin hi," a ci hi.