2 Peter 2 - Zokam International Version

Sia Zuaute le Amau Siatna

¹ Ahi hangin mihingte lakah kamsang zuaute a na om bang tektek in note lakah zong sia zuau a om ding hi. Amaute in siatna a piangsak thei thu-upna maan lote a simthamin hong lutpihin amaute a lei - thuneipipa Topa nangawn nial ding uh a, amau le amau siatna a kitun pah ding uh hi.

² Mi tampi in a zumhuai amau makaihna lam zui ding uh a, thutak lampi minsiasak ding uh hi.

³ Hih siate in huaihamin ama phuahtawm tangthute tawh note sumzonna in hong nei ding uh hi. Amaute a kimawhpaihna sawtvei zo a, amau kisiatna a ihsip kei hi.

⁴ Ahang in, vantung mite a mawh uh ciangin Pasian in zah lo a, hell a ah khia in thukhenna thuak dingin kawhawm b mialpi sungah koih ahileh;

⁵ amah in tanglai leitung zah tuan loin a pasian-milote tungah tuicin tungsak a, ahi hangin thumaan a hilh Noah le adang sagihte hu ahileh;

⁶ Sodom le Gomorah khuapite mawhpaih in vut a suah dong haltum a, a pasian-milote tungah a piang dingte lahna suaksak ahileh;

⁷ thukham nei lo-a, a nin mahmah mite nuntakna in a lungdonsak a thumaan Lot a suaktasak ding le;

⁸ (ahang in, tua a thumaan mipa amaute lakah nisimin om a, thukham nei lote gamtatna a muh le a zakte in a thumaan ama lungsim a gimsak mahmah hi) -

⁹ hih bang teng hi ahileh Topa in a pasian-mite, zia-etna pan a suahtaksak nading ahi zongin a thumaan lote thukhen ni adingin a gawt c kawmkawma, a koih nading zia a thei hi.

¹⁰ A diakdiakin a mawhdim pianngei d lunggulhna in a siatsakna a zuite le thuneihna a sim mawhte tungah amaan phadiak hi. Hih mite mawk hansanin ki-uangsak uh a, van mite nangawn gensia ngam uh hi.

¹¹ Tua hi napi vansawltakte nangawn in, hatzaw in vanglianzaw ta le uh, tua bang mite langpangin Topa mai-ah kosiatna mawhsaknate a tun kei uh hi.

¹² Ahi hangin hih mite in a theihtel loh uh thute tawh a daisak uh hi. Amaute, man-a siatsak ding bek-a, suak a ngongtat gamsate bangin ganhing lungsim neite hi uh a, gamsate mah bang in amaute zong a mangthang ding uh hi.

¹³ Amaute hihsa siatna hangin tua siatna mahin amaute kithukkik ding hi. Amaute ngaihsut nopsakna ahileh suntangpipi-a uangtat ahi hi. Note e tawh an na nek khawm laitakun nop a sak luatna uh hangin melhemna le nitna a suak uh hi.

¹⁴ Angkawm nopna mit bekbek tawh kidim uh a, mawhna a bawl den uh hi; a kip lo mite mawhna bawl dingin a zol uh hi; huaihamna lamah siam mahmah uh a, hamsiatna suante hi tazen uh hi!

¹⁵ Amaute in atang lampi nusia in pial uh a, gitlohna thaman a deih Beor tapa Balaam lampi a zui uh hi.

¹⁶ Ahi hangin pau a nei lo laa khat mihing aw in pau-a, ama gamtat khialhna tai-in tua kamsangpa haina a khokhaam hi.

¹⁷ Hih mite, a kangsa tuinak le huihpi mutleng meiilum bang ahi uh hi. Amaute ading amial pha pen khuamial a kikoih khol zo hi.

¹⁸ Ahang in, amaute in kisaktheihna mawkna kamte zangin, khialhna tawh a nungta mite lak pana a suakta lai liailiaite, pianpih mawhdim kilunggulhna-in a zol uh hi.

¹⁹ Amaute mahmah zong siatna sila-in om lai napi, amaute suahtakna a kamciam tazen uh hi - mi khatpeuh amah a kizosak zo na khatpeuh sila ahi hi.

²⁰ Eite Topa le Honpa Jesu Christ a theihna uh hangin leitung siatna pan suakta khin napi, tua lai mah ah awk kikin a pianzia nunung, a masa sangin a sia zawtham hi.

²¹ Thumaan lampi thei khin a, amau tunga kipiasawn thupiak siangtho a nungngatsan kik uh sangin a theikha vet lo uh hileh amau adingin hoihzaw ding hi.

²² Amau tungah, "Ui in a luak ne kik," f cih le, "A kisil khinsa vokpi buan lakah bual kik," cih paunak a man hi.