2 Khangthute 3 - Zokam International Version

Solomon in Biakinnpi Lam

¹ Tua ciangin Solomon in a pa David tunga TOPA a kilaakna mun Jerusalem a Moriah Vum ah TOPA biakinnpi lam a kipan hi. Tua mun pen Jebus-te Araunah d ancilna David gelnasa mun ahi hi.

² Amah in ama uk zawh a kumlina a kha nihna a ni nihna ni-in lam a kipan hi.

³ Pasian biakinnpi lam nadingin Solomon in a bul a phah (tehna lui tong cianga tehin) adung tong sawmguk sau-a, avai tong sawmnih a zai e hi.

⁴ Biakinnpi mai-a innliim a inn cia mah zai-a tong f sawmnih sau in, tong g sawmnih mah a sang hi. Amah in a sunglam kham citakin a luan hi.

⁵ Amah in inndeipi sung taksing lum bekbek dap-a, kham hoihtak tawh tuamin nisuh lim le khainiang limin a zem hi.

⁶ Amah in suang manpha-in biakinnpi a zem hi. Tuateh a kham zatte Parvaim kham ahi hi.

⁷ Amah in inntung dapna zawlte, kongmung-te, kawmte le biakinnpi kongpite khamin luan a, a kawmte tungah cherub-te a tuangsak hi.

⁸ Amah in Mun Siangtho Pen lam a, a dunglam biakinnpi vai tawh kizui-in tong sawmnih sau-in tong sawmnih a zai hi. Amah in a sunglam kham hoih talent h zaguk in a luan hi.

⁹ Kham siktukkilhte shekel i sawmnga khai ahi hi. Amah in inn tungnunglam zong khamin a luan hi.

¹⁰ Mun Siangtho Pen sungah singin cherub lim nih bawla, tuate khamin a luan hi.

¹¹ Cherub-te kha a kizak kimin tong sawmnih a hi hi. A masa pen cherub kha khat tong j nga sau a, biakinnpi kawm banin a kha langkhat zong tong nga mah sau a, cherub dang khat kha a ban hi.

¹² Tua mah bangin a nihna cherub kha khat tong nga sau a, biakinnpi kawm langkhat banin a kha langkhat zong tong nga mah sau a cherub masapen kha a ban hi.

¹³ Hih cherub-te khate in tong sawmnih sung a khak hi. Amaute a khe un ding uh a, innpi k sunglam a nga uh hi.

¹⁴ Amah in adum, adupsan le saihadial puan hoihin puanzak bawl a, a tungah cherub-te a tuangsak hi.

¹⁵ Amah in biakinnpi mai-ah tong sawmthum le nga asau a, khuampi phut-a, tuate a luzepna tong nga tuak ahi hi.

¹⁶ Amah in khainiangte phana b tuate khuampi dawnah a vial hi. Mangkawlsing gah zakhat bawl a tua khainiangte ah a gual hi.

¹⁷ Amah in tua khuampite biakinnpi mai leitaw lamah khat phut in, leilu lamah khat a phut hi. Leitaw lama pen Jakin c ci a, leilu lama pen Boaz d ci-in min a vawh hi.