1 Khangthute 27 - Zokam International Version

Galkap Khenna

¹ Hih in Israel-te min khumna ahi - innkuan lutangte le a tulte le a zate a uk, amaute uliante hi-a, amaute in kum tawntung kha simin a kisam bangin kikhel-a kumpipa nasemte ahi uh hi. Khen khat ah mi 24,000 ahi hi.

² A kha masa-a a khen masa a uk Zabdiel tapa Jashobeam ahi hi. Ama khen ah mi 24,000 ahi hi.

³ Amah Perez suan hi-a, a kha masa-a galkap uliante khempeuh ukpa ahi hi.

⁴ A kha nihna-a khen uk Ahoh-te Dodai hi a; ama khen ah makai Mikloth ahi hi. Ama khen ah mi 24,000 ahi hi.

⁵ A kha thumna-a a khen thumna ukpa siampi Jehoiada tapa Benaiah ahi hi. Amah a ukpi hi-a ama khen ah mi 24,000 ahi hi.

⁶ Hih in mi thahat Sawmthum laka Sawmthumte ukpa Benaiah pen ahi hi. Ama tapa Ammizabad in ama khen a uk hi.

⁷ A kha lina-a a lina, Joab sanggampa Asahel hi a; a tapa Zebadiah in ama za a luah hi. Ama khen ah mi 24,000 ahi hi.

⁸ A kha ngana-a a ngana ah Izrah-te galkap mang Shamhuth ahi hi. Ama khen ah mi 24,000 ahi hi.

⁹ A khagukna-a a gukna Teko-te Ikkesh tapa Ira ahi hi. Ama khen ah mi 24,000 ahi hi.

¹⁰ A kha sagihna-a a sagihna Ephraim-te khat, Pelon-te Helez ahi hi. Ama khen ah mi 24,000 ahi hi.

¹¹ A kha giatna-a a giatna Zerah-te khat, Hushath-te Sibbecai ahi hi. Ama khen ah mi 24,000 ahi hi.

¹² A kha kuana-a a kuana Benjamin-te khat, Anathoth-te Abiezel ahi hi. Ama khen ah mi 24,000 ahi hi.

¹³ A kha sawmna-a a sawmna Zerath-te khat, Netophath-te Maharai ahi hi. Ama khen ah mi 24,000 ahi hi.

¹⁴ A kha sawm le khatna-a a sawm le khatna Ephraim-te khat, Pirathon-te Benaiah ahi hi. Ama khen ah mi 24,000 ahi hi.

¹⁵ A kha sawm le nihna-a a sawm le nihna Othniel innkuan pan Netophath-te Heldai ahi hi. Ama khen ah mi 24,000 ahi hi.

Beh Uliante

¹⁶ Israel beh a uliante: Reuben-te uk: Zicri tapa Eleazer; Simeon-te uk: Maacah tapa Shephatiah;

¹⁷ Levi uk: Kemuel tapa Hashabiah; Aaron uk: Zadok;

¹⁸ Judah uk: David sanggampa khat Elihu; Issachar uk: Michael tapa Omri;

¹⁹ Zebulun uk: Obadiah tapa Ishmaiah; Naphtali uk: Azriel tapa Jerimoth;

²⁰ Ephraim-te uk: Azaziah tapa Hoshea; Manasseh beh alangte uk: Pedaiah tapa Joel;

²¹ Gilead a Manasseh beh alangte uk: Zechariah tapa Iddo; Benjamin uk: Abner tapa Jaasiel;

²² Dan uk: Jeroham tapa Azarel ahi hi. Hihte in Israel beh uliante ahi hi.

²³ David in mi a kum sawmnih ahikeh a tawmzaw-te a sim kei hi, bang hang hiam cih leh TOPA in Israel, vana aksi zaha tam dingin a ciamsa ahi hi.

²⁴ Zeruiah tapa Joab in mi phazah sim napi a sim khin zo kei hi. Hih misimna hangin Israel tungah thangpaihna tunga Kumpi David khangthu bu a sungah a phazah kikhum lo hi.

Kumpipa’ Vancingpa

²⁵ Kumpi vankholna inn uk Adiel tapa Azmaveth ahi hi. A pualam gamkhen a khuapite, khuaneute le galvilna tausanga van koihnate uk Uzziah tapa Jonathan ahi hi.

²⁶ Lokhawh nasemte a uk Kelub tapa Ezri ahi hi.

²⁷ Lenggui lote uk Ramath-te Shimei ahi hi. Lenggui lote pana piang lenggah-zu bungpite a uk Shiphim-te Zabdi ahi hi.

²⁸ Nitumna-lam mualbul a olive le theiba kungte a uk Geder-te Baal-Hanan ahi hi. Olive thau kholna ukpa Joash ahi hi.

²⁹ Sharon sunga gamta ganhonte a uk Sharon-te Shitrai ahi hi. Kuamte sunga ganhonte a uk Adlai tapa Shaphat ahi hi.

³⁰ Kala-oh-te a uk Ishmael-te Obil ahi hi. Laate a uk Meronoth-te Jehdeiah ahi hi.

³¹ Tuuhonte a uk Hagri-te Jaziz ahi hi. Hihte khempeuh Kumpi David neihsa a kem uliante ahi hi.

³² David pano Jonathan in thuthuk thei-in lai thei a, thulakpa ahi hi. Hacmoni tapa Jehiel in kumpi tapate a don hi.

³³ Ahithophel in kumpipa thulakpa ahi hi. Ark-te Hushai in kumpipa zawlpa ahi hi.

³⁴ Benaiah tapa Jehoada le Abiathar in Ahithophel za a luah uh hi. Joab in kumpi galkap mangpipa ahi hi.