Phatna-late 136 - Zo Bible

Piensahna le Tangthu Sunga Pasien’ Nasepna

¹ Ama hoi ahi ziehin Topa tungah lungdam ko un, bang ding ahei cile ama’ itna kip tawntung hi.

² Aw, pasien-te’ Pasien tungah lungdam ko un, azieh pen ama’ itna kip tawntung hi.

³ Aw, topate’ Topa tungah lungdam ko un, bangzieh ahei cile ama’ itna kip tawntung hi.

⁴ Nalamdang lienpite a bawl pa khu ama beh ahi hi, bangzieh ahei cile ama’ itna kip tawntung hi.

⁵ Theitelna tawh vante a bawl pa khu ama ahi hi, bangzieh ahei cile ama’ itna kip tawntung hi.

⁶ Tuite tunga leitung a pha pa khu ama ahi hi, bangzieh ahei cile ama’ itna kip tawntung hi.

⁷ Khuovah liente a bawl pa khu ama ahi hi, bangzieh ahei cile ama’ itna kip tawntung hi.

⁸ Sun hun a uh dinga ni a siem pa khu ama ahi hi, bangzieh ahei cile ama’ itna kip tawntung hi.

⁹ Zan hun a uh dinga hlapi a siem pa khu ama ahi hi, bangzieh ahei cile ama’ itna kip tawntung hi.

¹⁰ Egypt gam sung tenga tacilte a vatmai pa khu ama ahi hi, bangzieh ahei cile ama’ itna kip tawntung hi.

¹¹ Amate lah panin Israel a peipi pa khu ama ahi hi, bangzieh ahei cile ama’ itna kip tawntung hi.

¹² A baan zahin a khut thahat tawh a pui pa khu ama ahi hi, bangzieh ahei cile ama’ itna kip tawntung hi.

¹³ San Tuipi phalni a suo pa khu ama ahi hi, bangzieh ahei cile ama’ itna kip tawntung hi.

¹⁴ A laikima Israel-te a kantansah pa khu ama ahi hi, bangzieh ahei cile ama’ itna kip tawntung hi.

¹⁵ Hinanle Pharaoh le a galkapte San Tuipi sunga a thalpai pa khu ama ahi hi, bangzieh ahei cile ama’ itna kip tawntung hi.

¹⁶ A mite senel gam pana a peipi pa khu ama ahi hi, bangzieh ahei cile ama’ itna kip tawntung hi.

¹⁷ Kumpi liente a satlia pa khu ama ahi hi, bangzieh ahei cile ama’ itna kip tawntung hi.

¹⁸ Kumpi minthangte a that pa khu ama ahi hi, bangzieh ahei cile ama’ itna kip tawntung hi.

¹⁹ Amor-te’ kumpipa Sihon a that pa khu ama ahi hi, bangzieh ahei cile ama’ itna kip tawntung hi.

²⁰ Bashan kumpipa Og a that pa khu ama ahi hi, bangzieh ahei cile ama’ itna kip tawntung hi.

²¹ Amau’ leitang gouluo dinga a pie pa khu ama ahi hi, bangzieh ahei cile ama’ itna kip tawntung hi.

²² Ama’ nasem Israel-te gouluo a pie pa khu ama ahi hi, bangzieh ahei cile ama’ itna kip tawntung hi.

²³ I nam dinmun uh a niem laitaha ei phawh pa khu ama ahi hi, bangzieh ahei cile ama’ itna kip tawntung hi.

²⁴ I galte kung pana ei hunkhie pa khu ama ahi hi, bangzieh ahei cile ama’ itna kip tawntung hi.

²⁵ Mi zosie tungah an a pie pa khu ama ahi hi, bangzieh ahei cile ama’ itna kip tawntung hi.

²⁶ Vantung Pasien tungah lungdam ko un, bangzieh ahei cile ama’ itna kip tawntung hi.