Phatna-late 120 - Zo Bible

Mi Daisahte Kung Pan Suohta nading Ngetna

Katona La.

¹ Ama in ei dawn thei nadingin ka genthei ciengin Topa tungah ka kiko hi:

² “Topa aw, zuouthu genna leii pan le mi solte kam panin kei ei hun in,” ka ci hi.

³ Nang zuouthu gen leii aw, na tungah bang hing kipie ding a, na tungah bang hing kiseppieh lai ding ahei?

⁴ Galhang pa’ thaltang hiemte le luonglau meikam sa du na hi amah!

⁵ Meshech gam sunga pemta ka hina le Kedar buhte lahah ka ten khah pen mi hamsie ka hi hi.

⁶ Kilemna a dei lo mite lahah sauveipi ka na teng kha ta hi.

⁷ Kei kilem nading dei ka hi hi; hizongle tua thu ka gen ciengin amate in galin ei bawl uhi.