Jeremiah 45 - Zo Bible

Baruch’ Kunga Henepna Kammal

¹ Judah kumpipa Josiah’ tapa Jehoiakim kumpi a suo zaw a kum lina kumin, kamsangpa Jeremiah in Neriah’ tapa Baruch hopi a, tuale ama in Jeremiah’ sit bangbanga laiziel sunga a na giel kammalte tam bang teng ahi hi:

² Baruch aw, Israel’ Pasien, Vanglien Topa in nangma kungah tam bangin ci hi:

³ Nangma in, “Gim nga hi tang e! Topa in ka natna banah dana ei belap pieh hi; ka tautauna-in ka vulgawp ta a, toidamna ka mu zo sih hi,” na ci hi.

⁴ Tua ahi ziehin nangma in ama kunga na gen ding ah, “Topa in tam bangin ci hi: Keima in ka lamsate phelkia-in ka phusate ka botmang kia ding hi- tua khu gam buppi ka cina ahi hi.

⁵ Nangma dinga na lienpi sui na hi amah? Tuate sui da in; bangzieh ahei cile keima in mi zosie tungah gimna ka tungsah ding hi, Topa in ci hi; hizongle nang pen na peina muncin tengah galvan lah bangin na hinna kang pie ding hi,” a ci hi.