Yook 67 - Yomgkom

Yook ambo bi ye karub yeman. Nongbed wangki yemaniib. Yook, God yaningko kankooni yook kui.

¹ God, eb nub yaa mimyob keende amun kerunde, eb murubia kuu nub yaa konde. Selah

² Kwananeebkob eb dowaken okad yiri ye ambibkin koremdan yaa kuu yikaadkeraniib, kwane ambibkin korem kuu bobni yaa burudande bindi ye kiwaan ebbed ongmewen kuu wedme yikaadkeraniib.

³ O God, ewaningko kuu ambibkin koremdan kankoonime, ambibkin koremdan kuu ewaningko kankoonime.

⁴ Ambibkin koremdan kuu kubenib kubi yookiib wingkime, amborom kuu ebbed nimakarub korem yaa kuu kangdommo wengyundeneb, okad yiri ye ambibkin koremdan kuu ebbed ben kinban winimaab kowe. Selah

⁵ O God, ewaningko kuu ambibkin koremdan kankoonime, ambibkin koremdan kuu ewaningko kankoonime.

⁶ Okad kuu animan kab ire amnoon, God, nub God, yembed nub yaa amun kerundoon kui.

⁷ Godbed nub yaa amun kerundoon, kowe okad kunaya kunaya nimakarub korem kuu ye yaa bumangke unaniib.