Yook 54 - Yomgkom

Yook ambo bi ye karub yeman. Nongbed wangki yemaniib. Maskil ye yook Dewidbed wongkoon. Sifdanbed Sauliib yaa wene yedmiwen, “Dewid kuu nuwokad aom aomne biknoon.” andiwen kumbed wongkoon.

¹ O God, ewaningko yaromkono yaambed ne nen burudande angka kowe. Eb aromkonombed ne dowad ebbed wengyundeneb ma ambarakmindo ande.

² O God, ne kurikuri weng kee wengambere. Ne mongkodkono aombed ne weng kee wengambere.

³ Amborom kuu noroddanbed ne yaa nandamiib, kwane yeremboromdanbed ne nenbande kowi kiwaan onmiib, yi kuu God yaa meenimokban kui. Selah

⁴ Kedi, God kuu ne awawi ye karub, Yariman kuu ne awawaane yiminmo dobirimain ye karub.

⁵ Ne yaa yemyeb darobidanbed ne yaa arewa kamenabi kuu yembed amonombe yi yaa kerundok. God, eb korondiyiibban eweng awinimo dobiri ye kerekmen yaambed yi ben monmarunde.

⁶ O Yariman, eb yaa nindorokiibbed munob koni yeman kabdaniin. Kwane ewaningko kankoonaniin, amborom kuu eb kuu amunmo kowe.

⁷ Kedi, dabab ne yaa meneboon korem kuu yembed ne nen burudande angka kowoon, kwane wedmaane yembed ne bondan ari boknoon.