Yook 3 - Yomgkom

Dewid ye yook. Ye dana Absalom yaambed kombiri wonoon yaron aombed wongkoon.

¹ O Yariman, ne bondan kuu yemoon! Ne yaa manmo keriwendan kuu yemoon!

² Nimakarub yemoon kuu ne dowad kamune yedmimaib, “Ye kuu Godbed arudbon aom kuu nenyeedaraanban.” andimaib. Selah

³ O Yariman, eb kuu kwamunemban, ebbed ne kombe areb kerimaab, ebbed ne yaa nambiri kaweneb arudkono kangdom kawimaab.

⁴ Yariman yaa awawe ande baandaina, yembed ye aangko karadmo arimbed inanduwimaan. Selah

⁵ Amnoon doboob kuu ne kuu yiri angkimbaraina waraana yaro dembimain, amborom kuu Yarimanbed awawaane yiminmo dobirimain kowe.

⁶ Ne yaa bon kere kanawanewande kebeniwendan tausen yemooniib kuyaa kuu ne unainban.

⁷ O Yariman, ne God, yeedere mene ne nen burudanduwe! Ne bondan korem kuu yi mongodkono aangkeneb, arewadan ne yaa manmo keriwen kuu yi ningkambo domangke.

⁸ Arudbon yaa burudande nenmini ye karub kuu Yariman, yembedmo. Kowe, eb karuwa nimaya yaa amun amun kerunde. Selah